На працягу двух дзён, 4-ага і 5-ага лютага 2019 г., выкладчыкі кафедры германскіх моў ФМА БДУ, а таксама выкладчыкі філалагічнага факультэта працавалі на семінары «Краіназнаўчыя тэмы на практыка-арыентаваным занятку», арганізаваным Інстытутам нямецкіх даследаванняў і Германскай службай акадэмічных абменаў (DAAD). Дзякуючы лектару DAAD Яну-Петару Абрахаму, які працуе і на нашым факультэце, выкладчыкі пазнаёміліся з цікавай актуальнай інфармацыяй на розныя тэмы, якія выклікаюць гарачую палеміку ў нямецкім грамадстве і актыўна абмяркоўваюцца ў СМІ, выказалі свое разважанні па дадзеных праблемах, абмеркавалі метадычныя магчымасці выкарыстання матэрыялаў на практычных занятках і атрымалі імпульсы для далейшай плённай прафесійнай дзейнасці. Займальна прайшоў і воркшоп «Міжкультурны трэнінг», куратарам якога выступіла лектар DAAD Дора Таціч (МДЛУ). Гэта былі два дні насычанай, прадукцыйнай і, самае галоўнае, вельмі карыснай працы.

Чарняўскі А.А., старшы выкладчык кафедры германскіх моў