20 верасня 2018 года група студэнтаў 4 курса спецыяльнасці "Сусветная эканоміка» ў рамках дысцыпліны курсу «Практыка міжнароднага бізнесу» змагла наведаць лекцыю, на якой абмяркоўваўся механізм і магчымыя спосабы вяртання інвестыцый, раней укладзеных у Start-Up. Лектарам выступіў юрыст карпаратыўнай практыкі кампаніі REVERA Дзмітрый Герасімаў, пры падтрымцы арганізатараў з IMAGURU StartUp Hub і REVERA.
У лекцыі былі пералічаны розныя юрыдычныя схемы (у рамках юрыспрудэнцыі Рэспублікі Беларусь), якія даюць інвестарам і распрацоўнікам атрымаць магчымасць вяртання інвестыцый: з дапамогай пасіўнага прыбытку, шляхам продажу долі ўдзелу ў кампаніі або продажу кампаніі цалкам (для беларускіх кампаній, рэзідэнтаў ПВТ і замежных кампаній) . Асаблівая ўвага была нададзена асвятленню аспектаў, звязаных з продажам старт-ап-кампаніі: як захаваць эфектыўнасць і якасць выпускаемага прадукту ў выпадку змены ўладальніка, на якіх умовах уладальнікі маюць права рэалізоўваць свае долі трэцім асобам (у адпаведнасці з Правіламі сумеснага продажу, абумоўленымі раней) і іншыя юрыдычныя аспекты.
Дэканат факультэта і кафедра міжнародных эканамічных адносін дзякуе лектару, юрысту карпаратыўнай практыкі кампаніі REVERA Дзмітрыю Герасімаву, а таксама кіраўніку StartUp Hub IMAGURU Яўгену Пугачу за супрацоўніцтва.
{gallery}2018/2018_09_20_02{/gallery}