4 снежня 2018 г. адбылося чарговае пасяджэнне Студэнцкай навукова-даследчай лабараторыі «Знешняя палітыка і дыпламатыя ў сучасных міжнародных адносінах: прыкладной аналіз" (кіраўнік – дацэнт А.В. Дземідовіч). Удзел у мерапрыемстве прынялі студэнты спецыяльнасцяў «Міжнародныя адносіны», «Лінгвакраіназнаўства», магістранты спецыяльнасці «Гісторыя міжнародных адносін і знешняй палітыкі». У гэты раз у цэнтры ўвагі ўдзельнікаў лабараторыі апынуўся Азіяцка-Ціхаакіянскі рэгіён, што знайшло адлюстраванне ў дакладах, прысвечаных розным аспектам развіцця яго дзяржаў. На высокім навукова-метадалагічным узроўні прадстаўлены даклад Карыны Ярмашук (магістрант) пад назвай "Ацэнка перспектыў палітыкі Аўстраліі ў Азіяцка-Ціхаакіянскім рэгіёне ў будучыні», дзе прааналізаваныя пазіцыі Аўстраліі на сучасным этапе, а таксама зроблены прагноз адносна будучай ролі дзяржавы ў рэгіёне. К. Ярмошук вызначыла характар адносін Аўстраліі з вядучымі суб'ектамі АЦР, ацаніла перспектывы іх далейшага ўзаемадзеяння, як у сферы палітычнай, так і эканамічнай. Мікіта Карзай (3 курс, "Міжнародныя адносіны") у сваім выступе прааналізаваў вынікі Года турызму паміж Беларуссю і Кітаем. Даклад, сярод іншага, асвятляў наступныя пытанні: увядзенне бязвізавага рэжыму; падпісанне пагадненняў паміж беларускімі і кітайскімі турыстычнымі кампаніямі; прыход кітайскіх плацежных сістэм на беларускі рынак; пранікненне кітайскай мовы ў сферу абслугоўвання ў Беларусі. Асаблівасці, уласцівыя японскай і кітайскай культурам, прадставіла Наталля Ярашук (4 курс, «Міжнародныя адносіны»). Студэнтка прааналізавала спецыфічныя рысы японскай і кітайскай культур, узяўшы за асноўныя крытэрыі параўнання элементы менталітэту і штодзённага жыцця, звярнуўшы пры гэтым увагу на гістарычны складнік працэсу фарміравання ўсходніх культур.
Выступы выклікалі жывую цікавасць, шматлікія пытанні і каментары ўдзельнікаў СНДЛ.
Запрашаем зацікаўленых далучыцца да працы СНДЛ.
А. В. Дземідовіч, дацэнт кафедры міжнародных адносін
Фота: Багдан Пятрашка
{gallery}2018/2018_12_04{/gallery}