31 кастрычніка на кафедры англійскай мовы эканамічных спецыяльнасцяў пад кіраўніцтвам старэйшых выкладчыкаў К. В. Грыневіч і Ю. Л. Майсюк прайшлі дыпламатычныя чытанні з удзелам студэнтаў 3 курса спецыяльнасці "Сусветная эканоміка».
Тэмай дэбатаў была аднадушна абраная «Гейміфікацыя ў бізнэсе: за і супраць», якая прадугледжвае выкарыстанне гульнявых тэхналогій для ўключэння і матывацыі супрацоўнікаў кампаній з дапамогай іх ключавых унутраных стымулаў.
Перад студэнтамі стаяла няпростая задача: арганізаваць сапраўдныя дэбаты са спецыяльнай працэдурай і падрыхтаваць выразна структураваныя і, што асабліва важна, пераканаўчыя выступленні па двум процілеглым пунктам гледжання. Адна каманда адстойвала эфектыўнасць прымянення гейміфікацыі ў бізнэсе, а іншая ўсяляк старалася пераканаць апанентаў у неэфектыўнасці дадзенага метаду.
За паспяховую прэзентацыю сваіх аргументаў і контраргументаў удзельнікам залічваліся балы — пры гэтым вельмі важна было ўкласціся ў адведзены час. За захаваннем усіх правіл сачылі строгія, але справядлівыя суддзі, абраныя з ліку студэнтаў. Яны ж вялі ўлік балаў, каб у канцы вызначыць пераможцу. Пры гэтым заахвочвалася згуртаванасць каманд, лагічнасць іх меркаванняў і ўменне хутка рэагаваць на пытанні.
У ходзе дэбатаў студэнты выкарыстоўвалі правераныя факты і статыстычныя дадзеныя, а таксама прыводзілі прыклады выкарыстання гейміфікацыі з практыкі буйных кампаній, каб даказаць свой пункт гледжання. У выніку абедзве каманды набралі аднолькавую колькасць балаў і перамагло, як гаворыцца, сяброўства, але нягледзячы на гэта, студэнты засталіся задаволеныя: кожны здолеў адкрыць для сябе нешта новае і ў дадатак узмацніць навыкі вядзення калектыўных дыскусій.
Тэкст: Анастасія Дзяргай, студэнтка 3 курса "Сусветная эканоміка»
Фотаздымкі: Вольга Сініца, студэнтка 3 курса "Сусветная эканоміка»
{gallery}2018/2018_10_31_02{/gallery}