23 кастрычніка 2018 года на факультэце міжнародных адносін адбыўся Дзень кар'еры, дзе ў студэнтаў была магчымасць пазнаёміцца з беларускімі і міжнароднымі кампаніямі ў сферы права, лагістыкі, аўдыту, IT і інш., даведацца аб стажыроўках і магчымасцях будучага працаўладкавання.
У гэтым годзе на Дні кар'еры было прадстаўлена каля 20 кампаній: ТАА «Аўтапромснаб-спедзішн», РУП «Белмытнясэрвіс», ТДА «Віаполь», Эрнст энд Янг, Адвакацкае бюро «Сарайнен», Адвакацкай бюро «Сцепаноўскі, Папакуль і партнёры» і іншыя. Прадстаўнікі арганізацый распавялі студэнтам аб усіх магчымых формах супрацоўніцтва і пра патрабаванні да маладых спецыялістаў. У прыватнасці, Дзмітрый Сямашка з адвакацкага бюро «Сцепаноўскі, Папакуль і партнёры» парэкамендаваў студэнтам быць больш актыўнымі, не баяцца задаваць пытанні, вучыцца правільна сябе прэзентаваць, а таксама займацца нетворкінгам.
Прадстаўнікі арганізацый сустрэліся з дэканам ФМА В. Г. Шадурскім, пасля чаго некаторыя кампаніі правялі свае прэзентацыі.
У арганізацыі мерапрыемства прынялі ўдзел актывісты прафсаюзнага бюро студэнтаў і Савета стараст ФМА.
{gallery}2018/2018_10_23{/gallery}