5 кастрычніка 2018 г. спаўняецца 20 гадоў з дня заснавання кафедры міжнароднага турызму факультэта міжнародных адносін БДУ.
За час існавання кафедры падрыхтавана звыш 1100 спецыялістаў для працы на прадпрыемствах індустрыі турызму і гасціннасці, у дзяржаўных органах кіравання, камерцыйных структурах і міжнародных арганізацыях. Навучальны працэс забяспечваюць высокакваліфікаваныя спецыялісты, у ліку якіх 3 дактары і 6 кандыдатаў навук. З дня заснавання ўзначальвае кафедру доктар гістарычных навук, дацэнт Леанід Міхайлавіч Гайдукевіч.
Да юбілею кафедры міжнароднага турызму падрыхтаваны электронны каталог навучальных і навукова-метадычных выданняў, апублікаваных выкладчыкамі кафедры ў перыяд з 1998 па 2018 гг. З кароткай інфармацыяй пра выданні, іх бібліяграфічным апісаннем можна азнаёміцца ТУТ
У рамках юбілейных мерапрыемстваў 12 кастрычніка на факультэце міжнародных адносін пройдзе Міжнародная навукова-практычная канферэнцыя "Сучасныя тэндэнцыі развіцця міжнароднага турызму ў свеце і Рэспубліцы Беларусь ва ўмовах глабалізацыі». Праграма канферэнцыі прадугледжвае ўдзел больш чым 50 спецыялістаў сферы турызму і гасціннасці з Беларусі, Расіі, Украіны, Польшчы, Славакіі. Запланаваны выступленні прадстаўнікоў Дэпартамента па турызму, Нацыянальнага агенцтва па турызму Міністэрства спорту і турызму Рэспублікі Беларусь, кіраўнікоў вядучых прадпрыемстваў сферы турызму (турысцкіх кампаній «Віаполь» і «Вакол свету», БГА «Адпачынак у вёсцы»), фонду «Дырэкцыя II Еўрапейскіх гульняў 2019 года».
Усе жадаючыя могуць наведаць канферэнцыю, папярэдне зарэгістраваўшыся ў холе 12 паверху з 09:20 да 09:55. (вул Ленінградская, 20, ауд.1201).
Віншуем выкладчыкаў кафедры міжнароднага турызму з Юбілеем!