23 — 26 ліпеня 2018 г. у Маскве прайшла летняя Школа маладых міжнароднікаў «Еўропа і Еўразія: Фарсайт 2030», якая была арганізавана Інстытутам Еўропы РАН сумесна з Асацыяцыяй еўрапейскіх даследаванняў Расіі, Беларускім дзяржаўным універсітэтам і Беларуска-Расійскім экспертных клубам пад эгідай Пастаяннага камітэта Саюзнай дзяржавы.
У працы школы прымалі ўдзел 45 фіналістаў, якія былі адабраны з ліку 150 маладых навукоўцаў, студэнтаў і аспірантаў з розных гарадоў Беларусі і Расіі.
Прызёрам конкурсу ў Асноўнай намінацыі стала Анастасія Кісялевіч, аспірант ФМА БДУ (навуковы кіраўнік – В.Ф. Малашанкава). Яе праца «Камерцыялізацыя інавацый – новы вектар для супрацоўніцтва Рэспублікі Беларусь і Расійскай Федэрацыі» атрымала высокую ацэнку журы – 3 месца. 1 і 2 месцы адпаведна занялі канкурсанты з Расіі і Украіны.
У рамках школы перад фіналістамі выступілі дырэктар Інстытута Еўропы РАН, прэзідэнт Асацыяцыі еўрапейскіх даследаванняў Аляксей Грамыка, Старэйшы дарадца Другога дэпартамента краін СНД МЗС Расіі Таццяна Бирулева, Дарадца-пасланнік Пасольства Рэспублікі Беларусь у Расіі Вадзім Сянюта, рэктар ГАУГН Дзяніс Фамін-Нілаў. Дэкан факультэта міжнародных адносін Беларускага дзяржаўнага ўніверсітэта Віктар Шадурскі таксама звярнуўся з прывітальным словам да фіналістаў, а 24 ліпеня правёў майстар-клас.
Маладыя навукоўцы наведалі Еўразійскую эканамічную камісію, дзе пагутарылі з Таццянай Валавой, членам Калегіі (міністрам) па асноўных напрамках інтэграцыі і макраэканоміцы ЕЭК, на тэму еўразійскай інтэграцыі, а таксама Міністэрства замежны спраў Расійскай Федэрацыі і сустрэліся са статс-сакратаром – намеснікам міністра замежных спраў Расіі Рыгорам Карасіным.
Для удзельнікаў была арганізавана і культурная праграма (наведванне Чырвонай плошчы, парку «Зараддзе», РасКосмаса, назіральнай пляцоўкі Расійскай акадэміі навук, вандраванне па Маскве-рацэ).
Таксама ў летняй школе ад факультэта міжнародных адносін БДУ прынялі ўдзел дэкан, прафесар В. Г. Шадурскі з майстар-класам «Знешняя палітыка Беларусі і Расіі ў эпоху глабальнай трансфармацыі: агульнае і асаблівае», Буконкін Д.А. у якасці эксперта, Аўласенка І. і Максіменка Е. у якасці ўдзельнікаў.
Віншуем нашу пераможцу і ўсіх удзельнікаў з годным прадстаўленнем факультэта на міжнароднай навукова-адукацыйнай арэне!
{gallery}2018/2018_07_26{/gallery}