26 мая на факультэце міжнародных адносін БДУ прайшло мерапрыемства Falling Walls Lab Minsk, у якім прынялі ўдзел беларускія выкладчыкі і студэнты. Falling Walls Lab — гэта штогадовы міждысцыплінарны навуковы конкурс, на якім маладыя геніі могуць прадставіць свае інавацыйныя ідэі ў навуковай, грамадскай, вытворчай або бізнес сферы. Госці мерапрыемства сталі сведкамі таго, як удзельнікі конкурсу – маладыя навукоўцы ўсіх спецыяльнасцяў – за тры хвіліны на трох слайдах прадставілі на англійскай мове свае праекты на суд прафесійнага журы.
У гэтым годзе выступілі 7 удзельнікаў з розных ВНУ краіны, прадстаўнікоў ад БДУ не было, у мінулым жа годзе гонар факультэта міжнародных адносін БДУ абараняла старшы выкладчык кафедры германскіх моў Кацярына Іванаўна Ядчанка.
Пераможца Ягор Трамбіцкі з Полацка прадставіць Беларусь восенню 2018 г. у Берліне на міжнародным конкурсе Science Slam.
Канферэнцыя з'яўляецца важнай падзеяй кафедры германскіх моў, паколькі адным з арганізатараў мерапрыемства з'яўляецца прадстаўнік Германскай службы акадэмічных абменаў DAAD Сузана Бандаў, якая ўжо трэці год актыўна ўдзельнічае ў працы кафедры. Дзякуючы Сузане Бандаў на працягу гэтага часу на кафедры былі арганізаваны розныя мерапрыемствы па павышэнні кваліфікацыі выкладчыкаў кафедры, па папулярызацыі нямецкай мовы сярод студэнтаў і разнастайныя святы. У гэтым годзе Сузана Бандаў заканчвае сваю працу ў Беларусі і з'язджае на радзіму. Кафедра германскіх моў ад усёй душы дзякуе спадарыні Бандаў за праведзеную ёй каласальную працу і жадае моцнага здароўя і ўсялякіх поспехаў!
Матэрыял прадаставіла Анастасія Юр'ева, студэнтка 3 курса спецыяльнасці "Сусветная эканоміка"