14 мая 2018 года на факультэце міжнародных адносін адбылася сустрэча студэнтаў, аспірантаў і выкладчыкаў факультэта з бельгійскім дыпламатам, Надзвычайным і Паўнамоцным Паслом Каралеўства Бельгія ў Расійскай Федэрацыі Жанам-Артурам Ражыбо.
Свой выступ дыпламат падзяліў на дзве часткі, пасля кожнай з іх студэнты маглі задаць свае пытанні. Спачатку ён распавёў пра Бельгію, надаўшы вялікую ўвагу моўнай сітуацыі ў краіне і білінгвізму ў Цэнтральнай правінцыі Брабант са сталіцай Бруселем. Паводле яго слоў, па дэмаграфічнай вазе дзве дзяржаўныя мовы знаходзяцца ў сітуацыі адноснай раўнавагі: па розных падліках у Бельгіі працэнт насельніцтва, які гаворыць на фламандскай мове, складае крыху менш за 60%, а франкафоны складаюць каля 40%. Ён таксама вылучыў немцаў як надзвычай важную нацыянальную меншасць. Адказваючы на пытанне адной са студэнтак пра тое, ці магчыма вырашыць сітуацыю з білінгвізмам у Брусэлі ўвядзеннем у школах французскай і фламандскай мовы, Жан-Артур Ражыбо выказаў меркаванне, што на практыцы зрабіць гэта немагчыма, бо, у параўнанні з беларускай і рускай мовамі, гэтыя мовы належаць розным моўных сем'ям, а таксама з-за існаванне неразумення паміж гэтымі народнасцямі.
У першай частцы свайго выступу дыпламат закрануў тэму таго, што звязвае Беларусь і Бельгію. І ў першую чаргу звярнуў увагу на той факт, што абедзве краіны з'яўляюцца цэнтрамі, вакол якіх сканцэнтраваны магутныя дзяржавы, такім чынам, такія краіны як нашы, часта падвяргаюцца ваенным дзеянням і нападам, і найбольш эфектыўным інструментам рэгулявання знешнепалітычнай сітуацыі для нас з'яўляецца дыпламатыя.
Астатні час Ражыбо прысвяціў палітычнай сітуацыі ў Еўропе і свеце, адлюстраваўшы гістарычна складзеныя прыярытэты Бельгіі ў ЕС і бельгійскі погляд на канфрантацыю ЕС і Расійскай Федэрацыі. Згодна з яго пазіцыяй, абодвум бакам трэба пачаць пошук кампрамісаў, так як ні Расіі, ні ЕС не выгадна парушаць іх партнёрства.
Таксама было згадана, што Бельгія вылучыла сваю кандыдатуру на месца непастаяннага члена Савета бяспекі ААН на 2019—2020 гг. На пытанне аб тым, у вырашэнні якіх праблем Бельгія хацела б прыняць непасрэдны ўдзел, дыпламат адказаў, што прыярытэтным напрамкам для Бельгіі было б абмеркаванне сітуацыі з Крымам, у працэсе якога можна было б выслухаць два бакі і выпрацаваць канкрэтнае рашэнне. Таксама роля Бельгіі ў Савеце бяспекі, паводле яго слоў, павінна зводзіцца да медыяцыі двухбаковых канфліктаў.
Пасля другой часткі свайго выступу госць таксама адказаў на ўсе пытанні студэнтаў.
Сустрэча аказалася цікавай і грунтоўнай, так як студэнтам была прадастаўлена магчымасць паразмаўляць з дасведчаным дыпламатам, прафесіяналам у галіне міжнародных адносін, азнаёміцца з яго бачаннем абстаноўкі на міжнароднай арэне і пазіцыяй Бельгіі ў дачыненні да самых вострых палітычных супярэчнасцей у Еўропе і свеце.
Уладзіслава Трошка, студэнтка 1 курса спецыяльнасці "Міжнародныя адносіны"
{gallery}2018/2018_05_14{/gallery}