25 — 26 красавіка 2018 гада ў БДУ адбылася Рэспубліканская алімпіяда па рускай мове для замежных студэнтаў, магістрантаў, аспірантаў, якія навучаюцца ў ВНУ Рэспублікі Беларусь. 27 красавіка на кафедры тэорыі і методыкі выкладання рускай мовы як замежнай факультэта міжнародных адносін БДУ прайшло ўрачыстае ўзнагароджанне пераможцаў.
Удзельнікамі Алімпіяды сталі прадстаўнікі Азербайджана, Йеменскай Рэспублікі, Ірана, Казахстана, Камеруна, Кітая, Конга, Лівана, Мальдыўскай Рэспублікі, Манголіі, Нігерыі, Рэспублікі Чад, Паўночнай Карэі, Судана, Таджыкістана, Туркменістана, Узбекістана, Эквадора, ПАР, Паўднёвай Карэі, Японіі. Студэнты, магістранты, аспіранты, якія навучаюцца ў 28 вышэйшых навучальных установах Рэспублікі Беларусь, змагаліся ў розных намінацыях на веданне лексікі, граматыкі, фразеалогіі рускай мовы, дэманстравалі цікавасць і любоў да рускай літаратуры і рускай культуры, паказвалі свае ўменні ўсталёўваць кантакты з прадстаўнікамі іншых культурных супольнасцяў . Алімпіяда стала святам ведаў, на якім не было тых, хто прайграў.
Годна прадставілі БДУ студэнты, аспіранты, стажоры ФМА Ян Сінцзюань (1 месца), Огусі Юка (1 месца), Івакі Нарухіка (2 месца), Шы Вэй (3 месца), Сун Цзямэй (3 месца), слухач факультэта даўніверсітэцкай адукацыі БДУ Мухамметгылыджаў Максат (1 месца), а таксама студэнты іншых факультэтаў, якія вывучаюць рускую мову на кафедры тэорыі і методыкі выкладання рускай мовы як замежнай Сунь Фаньці (2 месца), Пак Мен Ген (3 месца), Палтаева Айна Башымаўна (3 месца).
Дыпломы і падарункі пераможцам уручылі загадчык кафедры, кандыдат філалагічных навук, дацэнт Сяргей Іванавіч Лебядзінскі і арганізатар мерапрыемства старшы выкладчык кафедры Вікторыя Васільеўна Чупік.
Віншуем пераможцаў Алімпіяды і ўсіх, хто прымаў удзел у гэтай вялікай і важнай падзеі!
{gallery}2018/2018_04_26{/gallery}