24 красавіка 2018 г. у інстытуце тэалогіі імя святых Мяфодзія і Кірыла БДУ прайшоў круглы стол на тэму «Святы апостал Матфей і этычныя нормы мытнай службы». У працы круглага стала прынялі ўдзел Першы прарэктар інстытута тэалогіі, протаіерэй Сяргей Гардун, начальнік мытні «Мінск-2» А. В. Міхалькевіч, загадчык кафедры мытнай справы ФМА БДУ В. А. Астрога, а таксама прадстаўнікі мытні «Мінск-2» і студэнты 2-3 курсаў спецыяльнасці "Мытная справа» ФМА БДУ і інстытута тэалогіі. Перад сустрэчай адбылося набажэнства ў гонар Святога апостала Матфея, нябеснага апекуна мытнай службы Беларусі. У ходзе сустрэчы ў цэнтры абмеркавання стала пытанне пошуку маральных крыніц гонару і годнасці, процідзеяння злачыннасці і карупцыі. Так, Кацярына Лізура, студэнтка-мытніца 2-га курса, характарызуючы значэнне мытнай службы, у сваім выступе адзначыла, што «мытная служба, гэта месца, дзе сустракаецца закон і мараль». У сваю чаргу, начальнік мытні «Мінск-2» А. В. Міхалькевіч, кажучы пра агульначалавечыя і хрысціянскя каштоўнасці ў фарміраванні ўстойлівай антыкарупцыйнай свядомасці і патрыятычнага светапогляду, заўважыў, што «паступаючы на службу ў мытныя органы ўчорашнія выпускнікі ВНУ рэспублікі сутыкаюцца не толькі з высокай інтэлектуальнай, фізічнай і эмацыйнай нагрузкай. Адным з найважнейшых выпрабаванняў станавіцца маральны выбар пры выкананні службовых абавязкаў. Выконваючы праваахоўныя, кантрольныя і фіскальныя функцыі ад імя дзяржавы мы абавязаны чуйна ўсведамляць, дзе праходзіць грань выбару гонару, сумлення і закона ... ». Завяршаючы сустрэчу, протаіерэй, айцец Сергій падкрэсліў: «Дзе чэрпаць духоўныя сілы ... Мы ўсе павінны быць патрыётамі. Патрыятызм — гэта любоў да бліжняга, усведамленне паняццяў «мой народ» і «мая краіна». Усведамленне свайго прызначэння, такіх паняццяў, як «Сумленне», «Абавязак» і «Адказнасць» — не падвядзе ніколі".
Па матэрыялах сайта мытні «Мінск-2»
