28 сакавіка на кафедры англійскай мовы эканамічных спецыяльнасцяў стартуе III Прадметная алімпіяда па англійскай мове сярод студэнтаў спецыяльнасці "Мытная справа". На перамогу ў алімпіядзе прэтэндуюць каманды наступных ВНУ краіны: УА "Беларускі дзяржаўны ўніверсітэт транспарту», Беларускі нацыянальны тэхнічны ўніверсітэт, Беларускі дзяржаўны эканамічны ўніверсітэт, Гродзенскі дзяржаўны ўніверсітэт імя Янкі Купалы, Беларускі дзяржаўны ўніверсітэт.
Строгае журы ў складзе прадстаўнікоў мытных органаў Рэспублікі Беларусь, прадстаўнікоў кафедры англійскай мовы эканамічных спецыяльнасцяў ФМА БДУ, прадстаўнікоў кафедры мытнай справы ФМА БДУ вызначыць пераможцаў як у камандным, так і ў індывідуальных заліках. Удзельнікаў таксама чакаюць дыпломы і прызы ў розных намінацыях.
Упершыню на алімпіяду запрошаны старшакласнікі сталічных гімназій. Для іх у рамках алімпіяды арганізаваны прэзентацыя і тэматычная віктарына. Узнагароды знойдуць лепшых і сярод гэтай катэгорыі ўдзельнікаў.
Жадаем поспеху!