23 лістапада 2017 года ў Выканаўчым камітэце Садружнасці Незалежных Дзяржаў адбылася сустрэча прафесарска-выкладчыцкага складу кафедры дыпламатычнай і консульскай службы факультэта міжнародных адносін БДУ з супрацоўнікамі Выканаўчага камітэта СНД.
У рамках сустрэчы было арганізавана наведванне музея гісторыі СНД, гасцям была прадастаўлена таксама магчымасць наведаць залы пасяджэнняў, у якіх праводзяцца мерапрыемствы розных органаў Садружнасці, азнаёміцца з работай дэпазітарыя міжнародных дагавораў у рамках СНД.
Перад супрацоўнікамі кафедры выступілі супрацоўнікі Выканкама СНД І. Б. Зелянкевіч і У.І. Рамашка. Адбыўся зацікаўлены абмен думкамі.
Крыніца інфармацыі: http://www.cis.minsk.by/news.php?id=8587