Міністэрства спорту і турызму Рэспублікі Беларусь
Рэспубліканскае дзяржаўна-грамадскае аб'яднанне «Прэзідэнцкі спартыўны клуб»
Грамадскае аб'яднанне «Беларускі рэспубліканскі саюз юрыстаў»
Нацыянальны алімпійскі камітэт Рэспублікі Беларусь
Таварыства з абмежаванай адказнасцю «ЮрСпектр»
запрашаюць да ўдзелу ў VIII конкурсе на лепшую работу па тэме «Спартыўнае права ў Рэспубліцы Беларусь»
Мэта конкурсу: прыцягненне грамадскай увагі да праблем прававога рэгулявання адносін у сферы фізічнай культуры і спорту і актывізацыя навуковага даследавання гэтых праблем.
Агульная інфармацыя аб конкурсе
Інфармацыйны лісток
Удзельнікі конкурсу:
- студэнты 2 - 6 курсаў, магістранты, аспіранты, суіскальнікі устаноў вышэйшай адукацыі Рэспублікі Беларусь усіх формаў атрымання адукацыі;
- работнікі дзяржаўных органаў і іншых дзяржаўных арганізацый Рэспублікі Беларусь;
- работнікі арганізацый фізічнай культуры і спорту Рэспублікі Беларусь, пералічаных у п. 3 арт. 16 Закона Рэспублікі Беларусь ад 4 студзеня 2014 г. № 125-З «Аб фізічнай культуры і спорце";
- выкладчыкі ўстаноў сярэдняй спецыяльнай і вышэйшай адукацыі Рэспублікі Беларусь, а таксама арганізацый, якія рэалізуюць у Рэспубліцы Беларусь адукацыйныя праграмы паслявузаўскай адукацыі;
- супрацоўнікі, якія працуюць у арганізацыях Рэспублікі Беларусь, якія ажыццяўляюць навуковыя даследаванні ў сферы права, а таксама фізічнай культуры і спорту;
- іншыя асобы, якія пастаянна пражываюць у Рэспубліцы Беларусь, якія маюць вышэйшую юрыдычную адукацыю і працуюць па юрыдычных спецыяльнасцях.
Намінацыі конкурсу:
«Лепшая студэнцкая работа»;
«Лепшая работа юрыста, які працуе ў спартыўнай сферы»;
«Лепшая работа юрыста, які не працуе ў спартыўнай сферы»;
«Лепшае прыкладное даследаванне ў сферы спартыўнага права».
Тэрмін прыняцця работ на конкурс: 20 лістапада 2017 г. — 4 сакавіка 2018 г.
Цырымонія ўзнагароджання пераможцаў і лаўрэатаў конкурсу адбудзецца ва ўрачыстай абстаноўцы ў красавіку 2018 г. у Мінску.
Работы пераможцаў, лаўрэатаў і іншых удзельнікаў конкурсу па рашэнні журы плануецца ўключыць у VIII выпуск зборніка артыкулаў «Спартыўнае права ў Рэспубліцы Беларусь».
Умовы ўдзелу ў конкурсе, патрабаванні да афармлення, тэматыкі і парадку падачы работ змяшчаюцца ў Палажэнні аб конкурсе, якое размешчана на сайце ГА «Беларускі рэспубліканскі саюз юрыстаў» у раздзеле «Спартыўнае права» (http://union.by/sportlaw).
Работа разам з анкетай удзельніка накіроўваецца:
- на электронны адрас:
Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду. (з пазнакай «На конкурс») або - на паштовы адрас: ТАА «ЮрСпектр», зав. 1-й Загарадны, 20, г. Мінск, 220073 (з паметкай «На конкурс»).
Пераможцам і лаўрэатам конкурсу ў намінацыях
«Лепшая студэнцкая работа», «Лепшая работа юрыста, які працуе ў спартыўнай сферы»,
«Лепшая работа юрыста, які не працуе ў спартыўнай сферы»
будуць прысуджаны прэміі (у беларускіх рублях):
I месца — 500,00; II месца — 400,00; III месца — 300,00.
Пераможцу ў намінацыі «Лепшае прыкладное даследаванне ў сферы спартыўнага права» будзе ўручаны спецыяльны прыз Нацыянальнага алімпійскага камітэта Рэспублікі Беларусь.
Дадатковую інфармацыю аб конкурсе можна атрымаць па тэл. (017) 205 03 00 (Стрыга Алена).
Поўная інфармацыя аб конкурсе прадстаўлена на сайце БРСЮ: http://union.by/news/c874b000803c9c2a.html
Арганізатары конкурсу жадаюць удзельнікам цікавых ідэй і волі да перамогі!