Студэнты нашага факультэта прымаюць актыўны ўдзел у міжнародных навуковых канферэнцыях і конкурсах. 30 лістапада адбылася VII-я Міжнародная студэнцкая канферэнцыя на замежных мовах "Мір у XXI-м стагоддзі: эканамічныя, палітычныя і сацыякультурныя аспекты», якая праходзіла на базе Беларускага дзяржаўнага эканамічнага ўніверсітэта. Сярод ганаровых гасцей гэтага навуковага мерапрыемства прысутнічалі прадстаўнікі дыпламатычнага корпуса: спадар Ксавье Ле Торрывелек — аташэ па супрацоўніцтве ў галіне адукацыі Пасольства Францыі ў Рэспубліцы Беларусь, спадар Фернанда Гусман Гомес — першы сакратар Пасольства Эквадора ў нашай краіне, прадстаўнікі Пасольства Баліварыянскай Рэспублікі Венесуэла, а таксама прадстаўнікі айчынных, замежных навуковых і бізнес-супольнасцяў.
Наш факультэт і кафедру англійскай мовы гуманітарных спецыяльнасцяў прадстаўлялі студэнты старэйшых курсаў спецыяльнасці "Міжнароднае права": Таццяна Мілач (з дакладам 'Cyber Security in International Law'); Вераніка Гладкая (Definition of the Concept of "Peoples" as a Subject of International Law); Яўгенія Некрашэвіч і Аляксей Зубкоў (To the Problem of Human Rights Violations in the DPRK). Прафесійнае журы высока ацаніла ўзровень валодання англійскай мовай прафесійных зносін. Па выніках працы англамоўных секцый нашы студэнты былі ўзнагароджаны памятнымі сертыфікатамі ўдзельніка канферэнцыі, а Яўгенія Некрашэвіч і Аляксей Зубкоў атрымалі сертыфікаты за другое месца па выніках прэзентацыі сваіх навуковых дакладаў.
29 лістапада адбыўся міжвузаўскі конкурс перакладчыкаў (МІПСА). Студэнты першага курса спецыяльнасці "Міжнародныя адносіны": Ксенія Скварцова, Караліна Бурунова, Дар'я Башарынава, Таццяна Троцкая, Маргарыта Мароз годна прадставілі факультэт і кафедру англійскай мовы гуманітарных спецыяльнасцяў і праверылі свае веды і ўменні ў перакладзе з англійскай мовы на рускую.
Загадчык кафедры англійскай мовы гуманітарных спецыяльнасцяў выказвае падзяку вышэйназваным студэнтам, а таксама іх навуковым кіраўнікам — старшым выкладчыкам кафедры Ірыне Анатольеўне Таранда і Святлане Уладзіміраўне Салаўёвай — за актыўны ўдзел у гэтых навуковых мерапрыемствах. Жадаем студэнтам факультэта міжнародных адносін далейшых творчых і навуковых перамог!!
{gallery}2017/2017_11_30_02{/gallery}