З 18 па 21 кастрычніка 2017 года ў Рэспубліцы Сербія ў г. Бялград пад эгідай АДКБ быў праведзены Моладзевы форум на тэму «Актуальныя праблемы забеспячэння еўразійскай бяспекі». У дадзеным форуме прынялі ўдзел прадстаўнікі кіраўніцтва Сакратарыята АДКБ і Міністэрства абароны Рэспублікі Сербія, дыпламаты, палітолагі і эксперты ў галіне абароны і бяспекі, а таксама дэлегацыі студэнтаў з 19 вышэйшых навучальных устаноў Сербіі і краін-удзельніц АДКБ. Рэспубліка Беларусь, якая цяпер з'яўляецца старшынёй ў Арганізацыі, была прадстаўлена студэнтамі факультэта міжнародных адносін БДУ.
У ходзе Пленарнага пасяджэння з прывітальным словам выступілі Генеральны сакратар АДКБ Юрый Хачатур, Міністр абароны Рэспублікі Сербія Аляксандр Вулін, Надзвычайны і Паўнамоцны Пасол Рэспублікі Беларусь у Рэспубліцы Сербія Валерый Брылёў, Надзвычайны і Паўнамоцны Пасол Расійскай Федэрацыі ў Рэспубліцы Сербія Аляксандр Чапурын. Выступоўцы падкрэслілі абарончы характар Арганізацыі дамовы аб калектыўнай бяспецы і ваенны нейтралітэт Сербіі, адзначылі знамянальнасць правядзення дадзенага форуму на Балканах, а таксама выказалі надзею на павышэнне даверу да дадзенай арганізацыі ў далейшым.
Дыскусія аб еўразійскай бяспецы з удзелам дакладчыкаў як з боку АДКБ, так і з боку Сербіі разгарнулася ў рамках шэрагу секцый: адукацыя ў галіне абароны і бяспекі, праблематыка ваенна-палітычнай стабільнасці і барацьба з тэрарызмам і наркатрафікам.
Ваенная Акадэмія Рэспублікі Сербія падрыхтавала культурную праграму, дзякуючы якой удзельнікі форуму мелі магчымасць азнаёміцца з асноўнымі вехамі гісторыі краіны, найбольш значнымі славутасцямі Белграда і дастаслаўнымі традыцыямі гасціннасці сербскага народу. Акрамя таго, беларуская дэлегацыя была запрошана ў Пасольства Рэспублікі Беларусь на размову з Надзвычайным і Паўнамоцным Паслом В. Брылёвым і разам з іншымі студэнцкімі дэлегацыямі прыняла ўдзел у памятных мерапрыемствах, прысвечаных вызваленню Белграда ад нямецка-фашысцкіх захопнікаў (20 кастрычніка 1944 года).
На закрыцці форуму 21 кастрычніка беларускія студэнты выказалі асаблівую падзяку сербскаму боку, факультэту міжнародных адносін і прафесару Панарыну, які курыраваў дэлегацыю падчас яе знаходжання ў Рэспубліцы Сербія.
Ілля Ананка, студэнт 3 курса спецыяльнасці "Міжнародныя адносіны"
{gallery}2017/2017_10_21{/gallery}