3—4 кастрычніка 2017 г. на факультэце міжнародных адносін і юрыдычным факультэце БДУ адбудуцца лекцыі прафесара Лары Дзі Матэа (Універсітэт Фларыды, ЗША), прысвечаныя пытанням тлумачэння Канвенцыі ААН аб дагаворах міжнароднай куплі-продажу тавараў 1980 г. (Венская канвенцыя).
Прафесар Лары Дзі Матэа з'яўляецца аўтарам сусветна вядомых падручнікаў па міжнароднаму прыватнаму праву і міжнародным гандлі, а таксама шматлікіх артыкулаў, у тым ліку, у сферы арбітражу і выкладання права. Дарэчы, нядаўна ў прафесара Дзі Матэа выйшла новая кніга па міжнароднай куплі-продажы тавараў.
Лекцыі прафесара Лары Дзі Матэа ў Мінску закрануць наступную тэматыку:
International Contracting — 3 кастрычніка, 15.00—18.10, юрыдычны факультэт БДУ, аўдыторыя 513 (на англійскай мове з перакладам на рускую мову);
Private Law and "Rule of Law" — 4 кастрычніка, 18.00—21.00, ФМА БДУ, аўдыторыя 1202 (на англійскай мове).
Лекцыі адкрыты для наведвання усімі жадаючымі, аднак мы будзем удзячныя за праходжанне папярэдняй рэгістрацыі: https://goo.gl/forms/eLLgZXDUpZL95UrJ2
Па пытаннях звяртайцеся па адрасе:
Анонс падрыхтавала Вераніка Паўлоўская.