У адрас нашага факультэта паступілі падзякі ад грамадскага аб'яднання "Беларускі рэспубліканскі саюз юрыстаў» і ДЗГУП «Белспецзнештэхніка».
У Рэспубліцы Беларусь са снежня 2016 г. па красавік 2017 г. праводзіўся VII конкурс на лепшую работу па тэме «Спартыўнае права ў Рэспубліцы Беларусь", арганізаваны Міністэрствам спорту і турызму Рэспублікі Беларусь, Прэзідэнцкім спартыўным клубам, ГА «Беларускі рэспубліканскі саюз юрыстаў», Нацыянальным алімпійскім камітэтам Рэспублікі Беларусь і ТАА «ЮрСпектр» (вытворца і распаўсюджвальнік даведачных прававых сістэм «КонсультантПлюс» і інфармацыйнай прававой сістэмы ilex). На конкурс было прадстаўлена 79 работ, 47 з іх — студэнцкія.
Журы і арганізатары конкурсу шчыра дзякуюць факультэту міжнародных адносін Беларускага дзяржаўнага ўніверсітэта за ўклад у папулярызацыю спартыўнага права і садзейнічанне актывізацыі навуковых даследаванняў. Асабліва адзначаны ўклад у падрыхтоўку студэнцкіх работ дацэнта кафедры міжнароднага прыватнага і еўрапейскага права Аляксандра Станіслававіча Данілевіча.
Арганізатары конкурсу таксама выказваюць падзяку за ўдзел студэнтам факультэта міжнародных адносін: Антону Аляксандравічу Зубаву і Марыі Аляксандраўне Журавай.
У лісце выказана надзея, што прадстаўнікі нашага факультэта (выкладчыкі, студэнты) «ў далейшым таксама будуць удзельнічаць у штогадовым конкурсе і наша супрацоўніцтва ў агульнай справе развіцця беларускага спартыўнага права і спорту будзе плённым».
Дзяржаўнае знешнегандлёвае унітарнае прадпрыемства «Белспецзнештэхніка» выказвае падзяку факультэту за аказанне лінгвістычнай падтрымкі падчас правядзення выставы ўзбраення і ваеннай тэхнікі "Мілекс-2017».
У лісце асабліва адзначана «прафесійная падрыхтоўка і адказнасць у выкананні пастаўленых задач наступных студэнтаў-валанцёраў:
Вінніка В. П. — студэнт 5 курса ФМА
Краснапрошына Д. В. — студэнт 5 курса ФМА».