15—16 мая ў Полацкім дзяржаўным універсітэце прайшлі мерапрыемствы "Deutsch mit Spaß", якія традыцыйна праводзіць Германская служба акадэмічных абменаў. У іх прынялі ўдзел студэнты як беларускіх ВНУ (БДУ, МДЛУ, БДЭУ, БГТІ, БДУІР), так і Даўгаўпілскага ўніверсітэта (Латвія). Беларускі дзяржаўны ўніверсітэт прадставілі студэнты факультэта міжнародных адносін: Вольга Ціханава, Алёна Шаркут, Ганна Шапіла, (3 МС) і Алеся Смяховіч (2 МТ).
Праграма мерапрыемстваў уключала вывучэнне розных аспектаў нямецкай навукі і культуры. Студэнтам на выбар былі прапанаваны семінары на тэму маркетынгу, нямецкай літаратуры, краіназнаўства і інш. У гульнявой форме прайшла эстафета, прысвечаная нямецкім традыцыйным казкам. За пісьмовы пераклад ўрыўка з апавядання Я. Коласа «Балотны агонь» на нямецкую мову прадстаўніцы ФМА былі ўдастоены 2 месца.
Важнай часткай мерапрыемстваў стала пешаходная экскурсія па Полацку, якая дазволіла ўсім удзельнікам пазнаёміцца з культурай і гісторыяй самага старажытнага горада Беларусі.
Дзякуем прадстаўнікам Полацкага дзяржаўнага ўніверсітэта і лектарам ДААД за арганізацыю мерапрыемстваў, якія збліжаюць беларускі і нямецкі народы. Віншуем пераможцаў і жадаем ім далейшых поспехаў!