Да ўвагі студэнтаў выпускных курсаў і магістрантаў!!! Звярніце ўвагу, што ў 2017 годзе змяняецца працэс праверкі дыпломных работ і магістарскіх дысертацый у сістэме "Антыплагіат".
Пасля завяршэння падрыхтоўкі дыпломнай працы / магістарскай дысертацыі і перадачы яе на кафедру студэнту / магістранту будзе неабходна загрузіць яе ў сістэму "Антыплагіат.ВУЗ". З гэтай мэтай адказны выканаўца выпускаючай кафедры адправіць на электронны адрас студэнта / магістранта запыт, па якім апошні зможа загрузіць сваю працу ў сістэму (як гэта зрабіць, будзе напісана ў целе ліста).
Пасля загрузкі працы студэнт / магістрант атрымае пароль доступу да свайго асабістага кабінета ў сістэме "Антыплагіат.ВУЗ". У кабінеце ён зможа пазнаёміцца з кароткай справаздачай. Пры гэтым поўную справаздачу з указаннем месцаў запазычанняў, цытаванняў і крыніц, адкуль яны ўзятыя, будзе знаходзіцца ў навуковага кіраўніка.
Затым навуковым кіраўніком ў сістэме будзе выстаўлена адзнака: 0—20% запазычанняў — ацэнкі 9—10; 21—50% — ацэнкі 6—8, больш за 50% — ацэнка 2 (УВАГА!!! Гэта ацэнка сістэмы). Студэнту / магістранту варта абмеркаваць вынікі праверкі ў сістэме "Антыплагіат.ВУЗ" з навуковым кіраўніком.
У любым выпадку, рашэнне аб допуску працы да абароны прымае кафедра.
Працы, што не атрымалі ва ўстаноўленыя тэрміны станоўчай ацэнкі па выніках праверкі ў сістэме "Антиплагиат.ВУЗ", рашэннем кафедры не дапускаюцца да абароны.
Пасля атрымання станоўчай ацэнкі студэнт / магістрант раздрукоўвае кароткую справаздачу з сістэмы "Антыплагіат.ВУЗ" (для гэтага варта зайсці ў асабісты кабінет) і прыкладае яе да дыпломнай працы для атрымання допуску да абароны і абароны перад Дзяржаўнай камісіяй.
Больш падрабязна аб працэсе праверкі работ на антыплагіат можна ўдакладніць на сваёй выпускаючай кафедры.