29 сакавіка — 1 красавіка 2017 года адбылася чарговая сесія Мадэлявання Арганізацыі Аб'яднаных Нацый на факультэце міжнародных адносін Беларускага дзяржаўнага ўніверсітэта.
Мадэляванне праводзілася пры падтрымцы Беларускага дзяржаўнага ўніверсітэта, Упраўлення Вярхоўнага камісара ААН па справах бежанцаў і Міжнароднага грамадскага аб'яднання па навукова-даследчых і інфармацыйна-адукацыйных праграмах «Развіццё».
У мадэляванне прыняло ўдзел больш за 120 студэнтаў з васьмі вышэйшых навучальных устаноў Беларусі: Беларускага дзяржаўнага ўніверсітэта, Беларускага дзяржаўнага ўніверсітэта інфарматыкі і радыёэлектронікі, Беларускага нацыянальнага тэхнічнага ўніверсітэта, Беларускага дзяржаўнага тэхналагічнага ўніверсітэта, Беларускага дзяржаўнага ўніверсітэта культуры і мастацтваў, Беларускага дзяржаўнага эканамічнага ўніверсітэта, Міжнароднага ўніверсітэта " МІПСА ».
Вясновае Мадэляванне праводзілася на базе трох камітэтаў: Савета Бяспекі і Эканамічнага і Сацыяльнага Савета (на англійскай мове), а таксама Савета па правах чалавека (на рускай мове).
Па традыцыі ў першы дзень (29 сакавіка) з мэтай азнаямлення дэлегатаў з правіламі працэдуры былі праведзены трэнінгі.
30 сакавіка пачалося з урачыстага адкрыцця, дзе выступілі намеснік дэкана факультэта міжнародных адносін БДУ А. В. Селіванаў і памочнік па праграмнай дзейнасці Прадстаўніцтва УВКБ ААН у Рэспубліцы Беларусь А. С. Вялікароднаў. Яны пажадалі ўдзельнікам прадуктыўных дыскусій, а таксама працягваць удзельнічаць у мадэляванні і імкнуцца знаходзіць шляхі вырашэння хвалюючых сусветную супольнасць праблем. Адразу пасля працэдуры адкрыцця пачалася праца ў камітэтах.
30 і 31 сакавіка прайшлі ў гарачых дэбатах. Дэлегаты вучыліся працаваць разам з мэтай выпрацоўкі найбольш прыдатнага рашэння па пастаўленых павестках дня.
Дэлегаты Савета Бяспекі, мадэляванага на англійскай мове, праводзілі дыскусіі па актуальных тэмах: праблема бежанцаў і кібербяспека. Па выніках дэбатаў па кожным парадку дня была выпрацавана рэзалюцыя (S/RES/1 (2017) і S/RES/2 (2017)).
У Эканамічным і Сацыяльным Савеце на парадку дня стаялі дзве праблемы: аднаўляльная энергія ў краінах, якія развіваюцца і дасягненне сацыяльнай стабільнасці ў Еўропе шляхам барацьбы з негатыўным успрыманнем бежанцаў і асоб, якія шукаюць прытулак. Нягледзячы на актыўныя дэбаты і канфліктныя сітуацыі, якія ўзнікалі падчас абмеркавання пунктаў парадку, па выніках кожнага дня, рэзалюцыі былі прынятыя практычна аднагалосна (E/RES/2017/1 і E/RES/2017/2).
Тэмай пасяджэнняў Савета па правах чалавека сталі праблема абароны правоў асоб без грамадзянства, а таксама праблема калізіі паміж выкананнем правоў бежанцаў і жорсткімі міграцыйнымі законамі краін. Па выніках плённых дыскусій таксама было выпрацавана дзве рэзалюцыі (A/HRC/RES/1/1/2017 і A/HRC/RES/1/2/2017).
У заключны дзень Мадэлявання, 1 красавіка, адбылася Надзвычайная сесія. Падчас Надзвычайнай сесіі мадэлюецца пасяджэнне Генеральнай Асамблеі ААН. Дэлегатам было неабходна выпрацаваць адзінае рашэнне праблем, якая паўстаюцьу пастаянна зменных умовах (праз пэўны час дэлегатам паведамляліся новыя падрабязнасці). Тэмай Надзвычайнай сесіі стаў пошук вырашэння праблем ваенных вучэнняў, якія прычынілі шкоду дзяржавам, барацьба з хакерскімі атакамі і прадухіленне ксенафобіі.
Пасля заканчэння Надзвычайнай сесіі адбылася цырымонія закрыцця, на якой намеснік дэкана факультэта міжнародных адносін БДУ А.В. Селіванаў падвёў вынікі вясновай сесіі мадэлі ААН, а таксама павіншаваў лепшых дэлегатаў. Імі сталі:
Багдан Іодчык (Расія), Уладзіслаў Бейнар (Уругвай) у Савеце Бяспекі;
Уладзіслаў Кучаравенка (Эстонія), Аліна Вайтуховіч (ЗША), Карнэлія Ліпніцкая (Швецыя) у Эканамічным і Сацыяльным Савеце;
Ксенія Волкава (Венгрыя), Максім Стэмплеўскі (ЗША) і Павел Анціпін (Нідэрланды) у Савеце па правах чалавека.
Традыцыйна падчас Мадэлявання прайшоў конкурс на лепшае асвятленне мадэлі ААН у сацыяльных сетках. Пераможцамі сталі: Дар'я Глазкова, Марыя Зайкоўская, Ксенія Марціновіч.
Усім удзельнікам былі ўручаны сертыфікаты аб удзеле, а пераможцам — памятныя прызы і дыпломы.
Чакаем Вас у наступны раз, да новых сустрэч!
{gallery}2017/2017_04_01{/gallery}