З 8 па 12 лютага 2017 года ў Мінску праходзіла XXIV Міжнародная кніжная выстава-кірмаш. Сярод краін, якія дэманстравалі ў гэтым годзе сваю прадукцыю на выставе: Беларусь, Вялікабрытанія, Венесуэла, Германія, Грэцыя, Іран, Італія, Казахстан, Кітай, Карэя, Куба, Літва, Палестына, Польшча, Расія, Сірыя, ЗША, Туркменістан, Турцыя , Украіна, Фінляндыя, Францыя, Швейцарыя, Швецыя, Эквадор.
Галоўныя тэмы выставы — 500-годдзе беларускага кнігадрукавання, юбілеі класікаў беларускай літаратуры Якуба Коласа і Янкі Купалы.
Студэнты 1 курса спецыяльнасці "Мытная справа" наведалі таксама стэнд пасольства Італіі, які запрашае ўсіх у літаратурнае падарожжа па "Bel Paese".
У розныя дні на выставе праходзілі майстар-класы, літаратурныя сустрэчы і аўтограф-сесіі з сучаснымі італьянскімі пісьменнікамі. Акрамя таго на выставе можна было набыць кнігі.
Класічныя творы, сучасная літаратура, навучальныя дапаможнікі, слоўнікі былі прадстаўлены на італьянскай і рускай мовах. Раздзел вучэбнай літаратуры быў прадстаўлены дапаможнікамі для розных узроўняў валодання мовай.
Выстава стала выдатным спосабам бліжэй пазнаёміцца з культурай Італіі, больш даведацца аб гэтай цікавай краіне і яе людзях і адкрыць для сябе свет італьянскай мовы і літаратуры.
{gallery}2017/2017_02_12{/gallery}