З 30 студзеня па 3 лютага 2017 года на базе факультэта міжнародных адносін прайшлі курсы павышэння кваліфікацыі, якія наведалі 14 выкладчыкаў кафедры германскіх моў. Ініцыятарам і арганізатарам курсаў выступілі Нямецкая акадэмічная служба абмену (DAAD) і Інстытут нямецкіх даследчыкаў (IfD). З цікавымі і пазнавальнымі дакладамі і лекцыямі выступілі высокакваліфікаваныя спецыялісты: прафесар І. Б. Смірноў (Санкт-Пецярбург), лектары DAAD і ÖAAD Сузаннэ Бандаў, Фларыян Рынеш, а таксама лектар фонду ім. Роберта Боша Грэта Вагнер. З вялікай цікавасцю і энтузіязмам удзельнікамі былі прапрацаваны такія тэмы, як «Заходняя і Усходняя Германія праз 25 гадоў», «Краіназнаўства як аб'ект вывучэння ў рамках заняткаў па замежнай мове», «Англіцызмы ў сучаснай нямецкай мове», «Праблемы ўзаемадзеяння пакаленняў у сучасным еўрапейскім грамадстве». З перспектывай міграцыйнай палітыкі Германіі апошніх гадоў удзельнікі змаглі пазнаёміцца ў рамках тэмы "Інтэграцыя бежанцаў у адукацыйны працэс», якая выклікала ў групе вялікую цікавасць. Мабыць, адной з найважнейшых тэм курсаў стала тэма «Аўстрыя: гістарычныя, культурныя і моўныя аспекты», якая ў такім аб'ёмным і шматбаковым увасабленні загучала для многіх удзельнікаў ўпершыню.
Курсы прайшлі ў духу старой добрай нямецкай традыцыі інтэрактыву, дыскусійнага абмеркавання актуальных тэм у сучасным грамадстве Германіі і Аўстрыі і іх дыдактызацыі на занятках па нямецкай мове, у прыватнасці з улікам спецыфікі факультэта міжнародных адносін. Выкладчыкі змаглі ацаніць апошнія распрацоўкі і матэрыялы, прадастаўленыя лектарамі, абмяняцца адзін з адным вопытам і думкамі, задаць набалелыя пытанні экспертам і проста атрымаць асалоду ад новага вопыту сумеснай дзейнасці і абмеркаваць ідэі далейшых сумесных праектаў. Дзякуй арганізатарам за падораную магчымасць! І да новых сустрэч!
Матэрыял прадаставіла Кацярына Ядчанка
Аўтар фота- і відэаматэрыялаў Алена Мацвеева