Загадам рэктара БДУ аб'яўлены конкурс грантаў для студэнтаў і аспірантаў БДУ на 2016 год.
У конкурсе могуць прымаць удзел студэнты і аспіранты Беларускага дзяржаўнага ўніверсітэта дзённай формы навучання.

Дакументы для ўдзелу ў конкурсе (на папяровых носьбітах, а таксама файлы Microsoft Access) прадстаўляюцца ва Упраўленне падрыхтоўкі кадраў вышэйшай кваліфікацыі ГУН да 11 студзеня 2016 г. (вул. Бабруйская 9, к. 418, т. 209-54-27, Ганна Васільеўна Казлоўская ).

Палажэнне аб конкурсе грантаў, спецыяльны файл Microsoft Access, інструкцыя па карыстанні сістэмай Microsoft Access размешчаны на сайце аддзела НДРС: http://www.nirs.bsu.by/ Конкурс грантаў БДУ.

Куратарам праектаў прадугледзець уключэнне тэматыкі даследаванняў па грантах у НДР, якія выконваюцца ў адпаведнасці з Планам навукова-даследчых, доследна-канструктарскіх і доследна-тэхналагічных работ БДУ на 2016 год.