Подождите, идет загрузка сайта ...

2015_12_1611 снежаня прайшоў трэнінг «Папярэджанне гандлю людзьмі ці бяспечны выезд за мяжу", арганізаваны для студэнтаў ФМА ініцыятыўнай групай па рэалізацыі гендэрнага плана ФМА сумесна з МГА "Гендэрныя перспектывы".

Гэты трэнінг, як і «Пераадольваючы гендэрныя стэрэатыпы», уваходзіць у адукацыйны модуль для студэнтаў і старэйшых школьнікаў, распрацаваны МГА "Гендэрныя перспектывы" з мэтай павышэння інфармаванасці маладых людзей у такіх галінах як гендэрная роўнасць, барацьба з гандлем людзьмі і хатнім гвалтам. У агульнай колькасці ў абодвух трэнінгах прынялі ўдзел 30 студэнтаў 1-4-х курсаў аддзяленняў "Міжнародныя адносіны", "Міжнароднае права" і "Сусветная эканоміка".

У сувязі са сканчэннем мерапрыемстваў Яніна Зінчанка, каардынатар трэнінгаў на факультэце міжнародных адносін, узяла невялікае інтэрв'ю ў Аксаны Барысевіч, супрацоўніцы МГА "Гендэрныя перспектывы» і мадэратара мерапрыемстваў.

Я. Зінчанка: Аксана, перш за ўсё, дазволь выказаць падзяку табе асабіста і МГА "Гендэрныя перспектывы" за гэтыя выдатныя трэнінгі. І адразу ж хацелася б папрасіць цябе сказаць некалькі слоў пра арганізацыю і яе дачыненне да тэмы бяспечнай міграцыі.

А. Барысевіч: МГА "Гендэрныя перспектывы" з'яўляецца адным з нямногіх грамадскіх аб'яднанняў у Рэспубліцы Беларусь, якое праводзіць вялікую інфармацыйную працу па тэме "Бяспечная міграцыя і папярэджанне гандлю людзьмі". У рамках гэтай працы наша арганізацыя з'яўляецца членам міжнароднай праграмы «Ла Страда», асноўная мэта якой выяўленне і праца з ахвярамі гандлю людзьмі, аказанне ім дапамогі, а таксама правядзенне розных прафілактычных мерапрыемстваў па папярэджанні чалавечага трафіку. Адным з найважнейшых кампанентаў інфармацыйна-адукацыйнай дзейнасці ў гэтай сувязі з'яўляецца Гарачая тэлефонная лінія па пытаннях бяспечнай міграцыі, якая працуе ў Беларусі з 2001 года, а таксама розныя мерапрыемствы, як, напрыклад, адукацыйны модуль, семінары, канферэнцыі, публікацыі.

Я.Р. Зінчанка: І асабістае пытанне, як даўно ты займаешся трэнерскай дзейнасцю?

А. Барысевіч: Я працую трэнерам Міжнароднай праграмы "Ла Страда - Беларусь" з 2002 года.

Я. Зінчанка: Аксана, патлумач, калі ласка, чаму менавіта такія тэмы ляглі ў аснову модуля і як тэма бяспечнага выезду за мяжу звязана з гендэрнай праблематыкай?

А. Барысевіч: Вядома, што ахвярамі гандлю людзьмі становяцца і жанчыны, і мужчыны, і дзеці. Тым не менш, як лічаць эксперты, менавіта з прычыны гістарычна складзенай гендэрнай няроўнасці сярод ахвяр гандлю людзьмі часцей за ўсё сустракаюцца дзяўчынкі, дзяўчаты і жанчыны. Для нашай краіны гэта было асабліва актуальна ў 90-я гады ХХ стагоддзя. Але і па сённяшні дзень тэма не страціла сваёй актуальнасці.

Вяртаючыся да зместу модуля, трэба сказаць, што ўсе тэмы модуля ўзаемазвязаны адзін з адным: "Папярэджаньне гандлю людзьмі. Бяспечная міграцыя", "Папярэджанне хатняга гвалту", "Фарміраванне гендэрнай культуры моладзі", "Умацаванне эканамічных магчымасцяў моладзі".

Мы робім акцэнт на роўных магчымасцях і праве выбару чалавека, незалежна ад полу. Тэмы няпростыя, пра іх не заўсёды лёгка казаць услых, часам яны закранаюць нешта вельмі асабістае. Напрыклад, сітуацыю ў сям'і, прадстаўленні, якія ідуць у разрэз з тым, пра што мы гаворым. Нам жа важна выхаваць у маладых людзей павагу да сябе, у першую чаргу, і ў адносінах да іншых людзей, паказаць ім іншую перспектыву, даць у рукі інструменты, якія дапамогуць ім справіцца са складанай жыццёвай сітуацыяй.

Я. Зінчанка: Аксана, у цябе вялікі і паспяховы досвед працы са студэнтамі розных ВНУ. Мы спадзяемся, што з нашымі  трэнінгі атрымаліся. Што б ты магла пажадаць ім на будучыню?

А. Барысевіч: Групу студэнтаў, з якой мне пашчасціла працаваць, як у нас прынята казаць, адрозніваў гендэрны баланс. Гэта рэдкасць. У удзельніках і удзельніцах я ўбачыла дзяўчат і маладых людзей, неабыякавых да сваёй будучыні і будучыні сваіх дзяцей. Мяне прыемна здзівіла і парадавала, што яны не баяцца выказваць свой пункт гледжання і адстойваць яго, калі ў гэтым ёсць неабходнасць. Гэта людзі, якія заяўляюць адкрыта пра тое, што ў нашым грамадстве існуюць стэрэатыпы ў адносінах да жанчын і мужчын (і пра гэта кажуць часцей маладыя людзі). Асабліва прыемна, што гэта не былі пустыя размовы на аўдыторыю.

Думаю, што калі б з'явілася такая магчымасць, я б з вялікім задавальненнем працягнула супрацоўніцтва з імі і з факультэтам. А пажадаць жа можна аднаго - заставацца такімі ж адкрытымі новаму веданню, такімі ж якія думаюць, хай ім спадарожнічае поспех ва ўсім.

Я. Зінчанка: Дзякуй, Аксана за інтэрв'ю і працу. У сваю чаргу, хацелася б таксама пажадаць табе асабіста і МГА "Гендэрныя перспектывы" росквіту і новых праектаў.

Фотаздымкі прадастаўлены Кацярынай Арціменяй, студэнткай 4-га курса аддзялення "Міжнародныя адносіны".

Кантактная інфармацыя

  • Адрас: г. Мінск, вул. Ленінградская, 20
  • Паштовы адрас: 220030, г. Мінск, пр. Незалежнасці, 4
  • Тэлефон: +375 17 209 59 77
  • e-mail: fir@bsu.by

Палітыка ў дачыненні да апрацоўкі cookie-файлаў

Мы ў сацыяльных сетках

Зараз на сайце 585 гасцей і ніводнага зарэгістраванага