14 мая 2015 года адбылася цырымонія ўзнагароджання прызёраў і лаўрэатаў конкурсу імя У Д. Спасовіча. Прыз, заснаваны Міністэрствам юстыцыі Рэспублікі Беларусь, названы ў гонар выдатнага беларускага юрыста, публіцыста і літаратуразнаўцы Уладзіміра Данілавіча Спасовіча (1829 — 1906). Конкурс праводзіцца ў адзінаццаты раз (першы конкурс прайшоў у 2004 годзе) і з'яўляецца знакавай падзеяй для юрыдычнай грамадскасці.
Традыцыйнымі для конкурсу з'яўляюцца намінацыі «Суд», «Адвакатура», «Натарыят», «Навука і права», «Гаспадарка і права», «Юрыдычная служба арганізацыі", "Права і журналістыка» і «Студэнцкая навука».
Па рашэнні конкурснай камісіі ў 2015 годзе прыз (вышэйшая ўзнагарода) конкурсу імя У. Д. Спасовіча ў намінацыі «Навука і права» ўручаны аўтарскаму калектыву кафедры міжнароднага прыватнага і еўрапейскага права БДУ ў складзе заг. кафедры А. В. Бабкінай, дацэнтаў А. Б. Леановіча і Н. С. Анцух, выкладчыка Ю. С. Барэль, аспіранта Л. Вядзернікава за манаграфію "Калізійнае права ў Рэспубліцы Беларусь: стан і перспектывы".
Ганарымся нашымі вынікамі і жадаем калегам далейшых творчых поспехаў!
