6 — 8 мая 2015 г. каманда ФМА БДУ ў складзе студэнтаў аддзялення "Міжнароднае права" Трахалінай Е., Шкарбута Е. (3 курс) і Жалдыбіна А., Навіцкага С. (4 курс) прыняла ўдзел у Міжнародным конкурсе па міжнароднаму публічнаму праве ім. Тэлдэрса (Telders International Moot Court Competition). Конкурс праводзіцца ў г. Гаазе (Нідэрланды), які традыцыйна лічацца мекай міжнароднага права, і ўяўляе сабой імітацыю пасяджэння Міжнароднага Суда ААН. У гэтым конкурсе ўдзельнічаюць краіны еўрапейскага рэгіёну. Беларусь была годна прадстаўлена нашай камандай, якая атрымала высокія водгукі ад суддзяў конкурсу, у прыватнасці, аб сваёй прававой падрыхтоўцы. У якасці суддзяў традыцыйна выступаюць дзейсныя суддзі міжнародных судоў і трыбуналаў, прафесары міжнароднага права вядучых еўрапейскіх універсітэтаў. Варта адзначыць, што ў якасці суддзі спаборніцтваў арганізатарамі конкурсу таксама была запрошаная і дацэнт кафедры міжнароднага права БДУ А. В. Коннава.
Студэнты Жалдыбин А. і Навіцкі С., якія выступалі за пазоўнікаў, увайшлі ў топ-10 лепшых пазоўнікаў конкурсу. Трахаліна Е. увайшла ў топ-20 (з больш, чым 100) лепшых спікераў конкурсу. Пісьмовыя пазіцыі каманды за абодва бакі ўвайшлі ў топ-10 лепшых пазіцый. Асабліва была адзначана згуртаванасць каманды, камандны дух беларускіх удзельнікаў, што дазволіла ім заваяваць адну з узнагарод конкурсу — «Outstanding Team Award».
Трэніравалі каманду выкладчыкі кафедры міжнароднага права А. В. Таляронак і Н. В. Карканіца — выпускніцы спецыяльнасці "Міжнароднае права", якія самі, будучы студэнткамі, неаднаразова ўдзельнічалі ў падобных конкурсах.
Сімвалічна, што фінал конкурсу праводзіцца ў Палацы міру (Peace Palace) — месцы размяшчэння Міжнароднага Суда ААН і Пастаяннай палаты трацейскага суда. Таму студэнтам не толькі ўдалося паўдзельнічаць у конкурсе, але і наведаць адно з пасяджэнняў Міжнароднага Суда ААН.
Каманда і трэнеры выказваюць падзяку кампаніі Suite Novotel Den Haag City Centre і няўрадавай арганізацыі Stichting Democratische Media Rusland за фінансавую падтрымку.
Кафедра міжнароднага права выказвае вялікую падзяку Амбасадзе Расійскай Федэрацыі ў Нідэрландах за аказанне арганізацыйнай дапамогі дацэнту кафедры А. У. Коннавай падчас яе візіту ў г. Гаагу ў якасці суддзі спаборніцтваў.
Кафедра міжнароднага права ў асобе загадчыка К. А. Дзяйкала выказвае вялікую падзяку трэнерам — А. В. Таляронак і Н. В. Карканіцы за добрую падрыхтоўку каманды.
{gallery}2015/2015_05_15{/gallery}