У перыяд з 30 сакавіка па 3 красавіка на юрыдычным факультэце Паўднёвага федэральнага ўніверсітэта прайшоў традыцыйны «Тыдзень навукі — 2015», актыўны ўдзел у якім прынялі студэнты факультэта міжнародных адносін Беларускага дзяржаўнага ўніверсітэта Ася Пянцегава (4 курс), Вікторыя Маторына (2 курс) і Анастасія Шкуцько (2 курс).
У рамках «Тыдня навукі — 2015» была праведзеная XLII міжнародная студэнцкая навукова-практычная канферэнцыя. На пленарным паседжанні з прывітальнай прамовай выступіў дэкан юрыдычнага факультэта ПФУ, к.ю.н, дацэнт І. П. Зіноўеў. Ён падзякаваў усім прысутным за выяўленую цікавасць і ўдзел, адзначыўшы важнасць правядзення такіх мерапрыемстваў, якія садзейнічаюць абмену досведам і ведамі паміж студэнтамі розных краін.
Па выніках выступлення з профільнымі дакладамі на міжнародна-прававой секцыі Ася Пянцегава ўзнагароджана Дыпломам 1 ступені; а Вікторыя Маторына — Дыпломам 2 ступені.
Далей у рамках «Тыдня навукі — 2015» адбылася Першая Міжнародная Растоўская Мадэль ААН. Ася Пянцегава з'яўлялася адным з арганізатараў Мадэлі і прыняла ў ёй удзел у якасці старшыні Савета Бяспекі ААН. Дэбаты і дыскусіі ва ўсіх камітэтах, якія мадэлююць працу структур ААН, былі гарачыя, а навыкі, атрыманыя студэнтамі, будуць спрыяць станаўленню дасведчаных спецыялістаў у галіне міжнароднага права.
На закрыцці Мадэлі са словамі падзякі, звернутымі да яе ўдзельнікаў, выступіла Генеральны Сакратар Міжнароднай Растоўскай Мадэлі ААН, д.ю.н, прафесар Л. С. Волава. Старшыні чатырох мадэляваных камітэтаў падвялі вынікі і таксама падзякавалі сваім дэлегатам за зладжаную і канструктыўную працу. Студэнты факультэта міжнародных адносін БДУ Вікторыя Маторына і Анастасія Шкутько ўзнагароджаны Граматамі за лепшую рэзалюцыю.
{gallery}2015/2015_04_14{/gallery}