Паважаныя сябры, былыя і будучыя дэлегаты!
Мадэль Арганізацыі Аб'яднаных Нацый на факультэце міжнародных адносін сустрэне Вас гэтай вясной ужо 8 красавіка ў пашыраным фармаце!
У сувязі з гэтым у нас ёсць некалькі важных аб'яваў.
Многія з Вас ведаюць пра тое, што большасць студэнтаў з Арганізацыйнага камітэта Мадэлі заканчваюць сваё навучанне на нашым любімым факультэце ўжо ў гэтым годзе.
За час свайго існавання наша Мадэль ператварылася з маленькай, якая мела толькі адзін мадэляваны орган, у нешта большае і больш прафесійнае. Мы спадзяемся, што ўсе нашы дэлегаты знайшлі для сябе нешта важнае і карыснае, удзельнічаючы ў Мадэлі. Асабліва мы хацелі б падзякаваць усім, хто падтрымліваў нас усе гэтыя гады і дапамог нам зрабіць Мадэль такою, як цяпер. Аднак мы ўпэўнены ў тым, што распачатае тры гады таму, не павінна спыніць сваё існаванне пасля нашага выпуску з універсітэта.
Менавіта таму мы абвяшчаем адкрытым набор на пазіцыі СТАРШЫНІ і ПЕРСАНАЛА Мадэлі ААН на ФМА!
Кандыдаты на вышэйзгаданыя месцы павінны адпавядаць наступным крытэрыям:
1) быць студэнтам (-кай) факультэта міжнародных адносін БДУ;
2) быць зацікаўленымі ў падзеях, якія адбываюцца ў свеце;
3) мець вопыт удзелу ў мадэляванні ААН (не з'яўляецца абавязковым патрабаваннем для персаналу Мадэлі);
4) свабодна валодаць адной з прапанаваных моў: англійская, французская, руская;
5) мець выразную дыкцыю і гучны голас;
6) быць гатовым вывучыць Правілы Працэдуры;
7) мець вольны час для праходжання інтэрв'ю 5 ці 6 сакавіка 2015 г. ў 14.00.
Калі Вы зацікавіліся працай у Мадэлі, калі ласка, напішыце некалькі слоў пра сябе на адной з рабочых моў, указаных вышэй *, уключаючы:
• ВАША ПОЎНАЕ ІМЯ
Калі ласка, напішыце яго на рускай і англійскай мовах (пры напісанні імя на англійскай выкарыстоўвайце транслітарацыю з Вашага пашпарта);
• СПЕЦЫЯЛЬНАСЦЬ і КУРС НАВУЧАННЯ;
• ВАШ ВОПЫТ ВА ЎДЗЕЛЕ Ў МАДЭЛЯХ ААН.
* Мова, на якой вы напішыце нам электроннае паведамленне, павінна адпавядаць мове, на якой вы хочаце і гатовы праходзіць інтэрв'ю і выкарыстоўваць як працоўную падчас Мадэлі (напрыклад, калі вы вывучыце французскую, гэта азначае, што вы будзеце разглядацца на пасаду Старшыні ў франкамоўны камітэт).
Мы чакаем вашых лістоў на наступны электронны адрас:
Калі ў вас ёсць якія-небудзь пытанні, вы можаце напрамую звярнуцца да Дар'і Богдан: