Select your language

18 лістапада ў рамках Дыпламатычных чытанняў на кафедры рамана-германскіх моў міжнароднай прафесійнай дзейнасці адбылася прэзентацыя тэмы "Віды турызму ў Беларусі". У мерапрыемстве прынялі ўдзел студэнты трэцяга курса спецыяльнасці "Менеджмент у сферы міжнароднага турызму і гасціннасці", для якіх нямецкая з'яўляецца першай замежнай мовай. Арганізатар мерапрыемства – загадчык кафедры Марыя Фёдараўна Арсенцьева.

Галоўнай мэтай мерапрыемства стала не толькі ўдасканаленне моўных навыкаў, але і пераасэнсаванне значэння турызму і пошук новых рашэнняў. Былі прадстаўлены такія віды турызму, як гісторыка-культурны, спартыўны, рэлігійны і інш.
Сустрэча прайшла ў фармаце жывой дыскусіі: усе студэнты прадэманстравалі высокі ўзровень валодання мовай, выдатную падрыхтоўку і шчырую зацікаўленасць у развіцці турыстычнага патэнцыялу нашай краіны.