17 верасня на факультэце міжнародных адносін БДУ адбылося ўрачыстае мерапрыемства, прысвечанае Дню мытніка і 35-годдзю мытнай службы Рэспублікі Беларусь.

Дзень мытніка – гэта свята тых, хто стаіць на варце эканамічнай бяспекі нашай краіны, забяспечваючы баланс паміж законам і адкрытымі межамі. Прагучалі словы аб тым, што мытня – не проста служба, а мастацтва аддзяляць галоўнае ў глабальным патоку тавараў. 

Свята прайшло пад кіраўніцтвам і з удзелам загадчыка кафедры англійскай мовы міжнароднай прафесійнай дзейнасці, кандыдата філалагічных навук, дацэнта С. А. Дубінка і загадчыка кафедры мытнай справы і міжнароднай лагістыкі, доктара гістарычных навук, прафесара Віктара Аляксандравіча Астрогі. Актыўны ўдзел у падрыхтоўцы мерапрыемства прынялі таксама Л. С. Ахраменка, ст. выкладчык кафедры англійскай мовы міжнароднай прафесійнай дзейнасці, Ю. Я. Багамолава, выкладчык кафедры англійскай мовы міжнароднай прафесійнай дзейнасці, М. В. Натуркач, дацэнт кафедры англійскай мовы міжнароднай прафесійнай дзейнасці, С. У. Салаўёва, ст. выкладчык кафедры англійскай мовы міжнароднай прафесійнай дзейнасці. Удзельнікамі мерапрыемства выступілі студэнты 1-4 курсаў спецыяльнасцей "Мытная справа" і "Міжнародная лагістыка". Кафедра англійскай мовы на чале з загадчыкам кафедры Святланай Аляксееўнай Дубінка цёпла павіншавала кафедру мытнай справы і міжнароднай лагістыкі і асабіста Астрогу Віктара Аляксандравіча з прафесійным святам.

Студэнты 4 курса спецыяльнасці «Мытная справа» (Еўсеенка Аляўціна, Сілівестрава Ірына, Сакаленка Лізавета, Балашэнка Аляксандр, Бябеніна Карына, Зелянок Раман, Лашук Анастасія, Муха Дзмітрый) і 1 курса спецыяльнасці «Міжнародная лагістыка» (Русецкі Іван, Чуеўская Караліна, Грамыка Ева, Рыбакова Дар'я, Хакім'янава Сафіна, Буевіч Кірыл, Быстрава Ганна, Каховіч Ксенія), а таксама студэнты 2 і 3 курсаў падрыхтавалі насычаную творчую праграму. Прагучалі вершы, жарты, анекдоты, рэпрызы. Удзельнікі абыгрывалі студэнцкія будні, сесію, дэдлайны, курсавыя і «дэклараванне» ведаў. У нумарах гучала думка: як на мытні, так і ў вучобе важна сумленна "дэклараваць" свае мэты і выбіраць "зялёны калідор" адказнасці.

Двухмоўны фармат мерапрыемства падкрэсліў цесную сувязь прафесійнай падрыхтоўкі мытнікаў і лагістаў з вывучэннем замежных моў. Свята стала не толькі яркай падзеяй, але і наглядным пацвярджэннем шматгадовага супрацоўніцтва кафедры англійскай мовы міжнароднай прафесійнай дзейнасці і кафедры мытнай справы і міжнароднай лагістыкі. Студэнты паказалі, што прафесійная падрыхтоўка будучых мытнікаў і лагістаў немагчымая без мовы і культуры іншамоўных зносін.

Завяршылася мерапрыемства музычным нумарам. У адрас выкладчыкаў і супрацоўнікаў кафедры мытнай справы і міжнароднай лагістыкі прагучалі пажаданні міру, здароўя, поспехаў, новых навуковых дасягненняў. Будучым мытнікам пажадалі пашырэння межаў ведаў і магчымасцей, прафесійных перамог, стойкасці, поспехаў і толькі "зялёнага калідора" на службе і ў жыцці.

Ю. Я. Багамолава, выкладчык кафедры англійскай мовы міжнароднай прафесійнай дзейнасці