Студэнтка 1 курса факультэта міжнародных адносін Яўгенія Швед заваявала бронзавую ўзнагароду на Чэмпіянаце свету па шашках-64. Высокай адзнакі дзяўчына ўдастоена ў хуткай праграме сярод жанчын.
Усяго турнір праходзіў па трох дысцыплінах. Апроч названай, гэта вокамгненная і класічная.
У класічнай праграме сярод жанчын чэмпіёнкай свету па шашках-64 стала Вікторыя Нікалаева, студэнтка 4 курса спецыяльнасці "Міжнароднае права". Вікторыі ўдалося выйграць шэсць партый, а таксама чатыры звесці ўнічыю.
Спаборніцтвы завяршыліся 12 верасня ў г. Хімках (Расія). У гэтым годзе да спаборніцтва далучыліся больш за 80 шашыстаў з 28 краін. Арганізатарамі чэмпіянату выступаюць Міжнародная федэрацыя шашак і Федэрацыя шашак Расіі. Віншуем дзяўчын!
 |
 |