Узначаліла прадстаўніцтва намеснік міністра замежных спраў і міжнароднага гандлю Шэйла Чыкома. Сустрэча адбылася сёння, 15 верасня, з удзелам каля 80 студэнтаў спецыяльнасцей "афрыканістыка", "міжнародныя адносіны" і "міжнародная канфлікталогія" ФМА.
Прывітаў высокага госця прарэктар па вучэбнай рабоце і інтэрнацыяналізацыі адукацыі БДУ Віктар Кочын. Ён адзначыў, што супрацоўніцтва з Зімбабвэ – адзін з напрамкаў міжнароднай дзейнасці ўніверсітэта, які найбольш дынамічна развіваецца. «Мы разглядаем гэтае ўзаемадзеянне не як фармальнае партнёрства, а як доўгатэрміновую сумесную працу па падрыхтоўцы кваліфікаваных спецыялістаў з ліку грамадзян вашай краіны. Ужо зараз студэнты з Зімбабвэ праяўляюць сябе як перспектыўныя будучыя дыпламаты і дзяржаўныя дзеячы, якія стануць надзейным мостам дружбы і ўзаемаразумення паміж Мінскам і Харарэ. Мы робім усё магчымае, каб яны атрымлівалі якасныя веды і адчувалі сябе ў БДУ як дома”, – падкрэсліў прарэктар. Таксама ён выказаў спадзяванне, што сённяшні візіт стане важным імпульсам для паглыблення нашага партнёрства.
У рамках сустрэчы Шэйла Чыкома правяла лекцыю на англійскай мове на тэму "Знешняя палітыка Зімбабвэ, вопыт старшынства ў Супольніцтве развіцця Поўдня Афрыкі і маючая адбыцца роля ў якасці нясталага члена Савета Бяспекі ААН". Намеснік міністра расказала навучэнцам спецыфіку падыходаў да міжнародных адносін сваёй дзяржавы, а таксама адказала на пытанні студэнтаў.
Напрыканцы мерапрыемства Шэйла Чыкома ўнесла запіс у кнігу ганаровых гасцей ФМА БДУ.
 |
 |
|
 |
 |