У гонар Дня абароны дзяцей прафбюро супрацоўнікаў і студэнтаў факультэта міжнародных адносін арганізавала выставу дзіцячых малюнкаў "Дзеці малююць свет", адкрыццё якой адбылося сёння, 1 чэрвеня 2026 г., на 11 паверсе.

На адкрыцці выставы выступіў старшыня ППА работнікаў БДУ Іван Янушэвіч, нагадаўшы дарослым аб адказнасці за невыкананне правоў дзяцей на жыццё, свабоду меркавання, адукацыю і абарону ад насілля.

Экспазіцыя выставы ўключае лепшыя творчыя работы дзяцей выкладчыкаў і супрацоўнікаў нашага факультэта ва ўзросце ад 5 да 11 гадоў. Работы выкананы ў розных тэхніках: графіка, акварэль, гуаш, каляровыя алоўкі, змешаная тэхніка.

Прафбюро ФМА шчыра дзякуе ўсім, хто адгукнуўся на наш запыт, і жадае юным мастакам новых ідэй і творчых поспехаў.