Выкладчыкі польскай мовы кафедры рамана-германскіх моў міжнароднай прафесійнай дзейнасці выказваюць падзяку студэнтам ФМА за ўдзел у конкурсе-віктарыне па польскай мове, якая праходзіла 15 мая 2026 г. анлайн на адукацыйным партале БДУ.

Агулам удзельнічала 11 студэнтаў 2 і 3 курсаў спецыяльнасцяў «Міжнародныя адносіны» і «Мытная справа». У такім анлайн-фармаце конкурс па польскай мове праводзіўся ўпершыню. Віктарына складалася са 105 пытанняў, якія, сярод іншага, датычыліся гісторыі і сучаснасці БДУ і ФМА, што садзейнічала больш паглыбленаму вывучэнню тэм 4 семестра спецыяльнасцей "Міжнародныя адносіны" і "Мытная справа": Мадэлі вышэйшай адукацыі; Вучэба ў ВНУ; Сістэма вышэйшай адукацыі ў Рэспубліцы Беларусь і г.д.

Варта адзначыць, што сярэдняя ацэнка склала не менш за «8» з «10». Пытанні віктарыны, паводле водгукаў студэнтаў, былі змястоўныя і цікавыя, адпавядалі ўзроўню валодання замежнай мовай В1.