13 – 14 мая 2026 г. адбыўся II Міжнародна-прававы форум СНД "Міжнародна-прававы дыялог у СНД: традыцыі супрацоўніцтва і адказ на выклікі часу", арганізаваны Міністэрствам замежных спраў Рэспублікі Беларусь і Выканаўчым камітэтам СНД. Форум быў прымеркаваны да 35-годдзя СНД. У мерапрыемстве прынялі ўдзел прадстаўнікі дзяржаўных органаў дзяржаў-удзельніц СНД, міжнародных арганізацый, створаных на еўразійскай прасторы, а таксама прадстаўнікі акадэмічнай супольнасці.
Для ўдзелу ў Форуме былі запрошаны дэкан факультэта міжнародных адносін БДУ, кандыдат палітычных навук, дацэнт Алена Анатольеўна Дастанка, загадчык кафедры міжнароднага права, доктар юрыдычных навук, прафесар Алена Фёдараўна Доўгань і дацэнт кафедры міжнароднага права, кандыдат юрыдычных навук, дацэнт Наталля Алегаўна Мароз, Алесей Іванавіч Анішчанка, партнёр юрыдычнай фірмы «Anischenko, Laptev», старшы выкладчык кафедры міжнароднага права факультэта міжнародных адносін.
Падчас пленарнага паседжання выступіла А.Ф. Доўгань, якая ў сваім дакладзе адлюстравала комплекснасць і шматаспектнасць уплыву аднабаковых прымусовых мер, мер па іх забеспячэнні і аверкамплаенса на гуманітарную сітуацыю ў падсанкцыйных дзяржавах, а таксама іншыя сферы функцыянавання грамадства і дзяржавы. А.Ф. Доўгань выступіла таксама мадэратарам секцыі "Аднабаковыя прымусовыя меры і міжнароднае права"..
А.А. Дастанка выступіла на секцыі "Новыя галіны і напрамкі развіцця міжнароднага права, выкладанне міжнароднага права ў сістэме юрыдычнай адукацыі і актуальныя міжнародна-прававыя даследаванні" з дакладам аб выкладанні міжнароднага права на факультэце, аб навуковых і вучэбна-метадычных дасягненнях прафесарска-выкладчыцкага складу, перамогах студэнтаў факультэта ў міжнародных і нацыянальных конкурсах. А.А. Дастанка падкрэсліла важнасць якаснай падрыхтоўкі кваліфікаваных кадраў у галіне міжнароднага права для эфектыўнай абароны нацыянальных інтарэсаў Рэспублікі Беларусь на знешнім контуры.
Н.А. Мароз у сваім дакладзе "Міжнародна-прававая кваліфікацыя рэпутацыйнай шкоды дзяржаве, прычыненай у выніку прымянення аднабаковых прымусовых мер" на секцыі "Аднабаковыя прымусовыя меры і міжнароднае права" адзначыла, што маніпуляванне неюрыдычнай тэрміналогіяй або нядобрасумленнае тлумачэнне існуючых прававых паняццяў дзяржавамі, якія ўводзяць аднабаковыя прымусовыя меры, не вызваляе іх ад міжнародна-прававой адказнасці.
А.І. Анішчанка выступіў з дакладам "Беларусь як месца вырашэння спрэчак з замежным элементам" на секцыі "Павышэнне эфектыўнасці дзейнасці і развіццё ўніверсальных і рэгіянальных механізмаў вырашэння спрэчак (міждзяржаўныя спрэчкі, спрэчкі з удзелам дзяржаў, міжнародных арганізацый і прыватных асоб), бягучыя праблемы ў галіне міжнароднага правасуддзя".
