22 красавіка 2026 г. студэнт 2-га курса спецыяльнасці «Міжнародныя адносіны» Мікіта Рэмеш правёў прафарыентацыйнае мерапрыемства на базе дзяржаўнай установы адукацыі «Сярэдняя школа № 3 г. Жабінкі» для навучэнцаў 10–11 класаў.

У ходзе сустрэчы Мікіта прадставіў школьнікам інфармацыю аб дзейнасці і асаблівасцях факультэта міжнародных адносін БДУ, таксама падзяліўся з будучымі абітурыентамі ўласным вопытам навучання на спецыяльнасці "Міжнародныя адносіны", падкрэсліўшы ўсе тонкасці і спецыфіку студэнцкага жыцця ФМА. Акрамя таго, студэнт распавёў аб сваіх навуковых інтарэсах, прачытаўшы аўдыторыі міні-лекцыю на тэму "Мяккая сіла Кітая", адказаў на пытанні. Сустрэча прайшла ў сяброўскай атмасферы і, будзем спадзявацца, дапамагла школьнікам лепш вызначыцца з будучай прафесіяй.