Моладзевы студэнцкі праект «ПАМЯТАЕМ! ГАНДЫМСЯ! НЕ ЗДРАДЗІМ!» ФМА БДУ быў створаны ў маі 2025 года на кафедры мытнай справы і міжнароднай лагістыкі.
У гэтым годзе Праект прыняў удзел у конкурсе "Лепшы студэнцкі праект БДУ” і атрымаў падтрымку і фінансаванне БДУ. Кіраўніком Праекта з'яўляецца Навышная Валерыя, студэнтка 2 курса спецыяльнасці "Мытная справа" ФМА БДУ, куратарам – Грабеннікаў Аляксандр Васільевіч, старшы выкладчык кафедры мытнай справы і міжнароднай лагістыкі ФМА БДУ.
Праект з'яўляецца моладзевай гісторыка-патрыятычнай ініцыятывай, прысвечанай Перамозе савецкага народа ў Вялікай Айчыннай вайне. Праект накіраваны на захаванне гістарычнай памяці аб гераічным подзвігу савецкага народа і, у прыватнасці, беларускіх мытнікаў-франтавікоў. У рамках Праекта ажыццяўляецца збор, сістэматызацыя і папулярызацыя архіўных матэрыялаў і асабістых гісторый ветэранаў Вялікай Айчыннай вайны, асаблівая ўвага ўдзяляецца ўкладу супрацоўнікаў мытных органаў Беларусі ў Вялікую Перамогу. Праект служыць пляцоўкай для фармавання ў моладзі глыбокай павагі да мінулага, захавання гістарычнай праўды і перадачы памяці аб подзвігу продкаў будучым пакаленням.
Мэта Праекта – увекавечыць памяць аб героях-ветэранах мытняў Рэспублікі Беларусь, выхоўваючы ў студэнтах глыбокі патрыятызм і імкненне раўняцца на мужнасць, адданасць Айчыне і прафесіяналізм ветэранаў, умацоўваючы пераемнасць пакаленняў і пачуццё гонару за мытную службу.
У ходзе Праекта былі сабраны звесткі аб ветэранах Вялікай Айчыннай вайны па Брэсцкай, Гродзенскай і Мінскай мытні.
Ніжэй прадстаўлены прэзентацыі аб героях-ветэранах мытняў Рэспублікі Беларусь у трох частках:
Праца над Праектам на кафедры мытнай справы і міжнароднай лагістыкі будзе працягвацца ўвесь час. Цяпер студэнты-мытнікі ФМА БДУ працуюць з архіўнымі дакументамі аб ветэранах Вялікай Айчыннай вайны Гродзенскай мытні.
Студэнты імкнуцца выканаць галоўную мэту Праекта: увекавечыць памяць аб героях-ветэранах Вялікай Айчыннай вайны!
Азнаёміцца з прэзентацыяй Праекта тут.
А.В. Грабеннікаў, старшы выкладчык кафедры мытнай справы і міжнароднай лагістыкі ФМА БДУ
 |
 |