У рамках Тыдня студэнцкай навукі 27 красавіка 2026 г. адбылася дыскусія на французскай мове ў групе 2 курса спецыяльнасці «Міжнароднае права» на тэму «Праца ўчора, праца заўтра». Асноўнай мэтай мерапрыемства было абмеркаванне тэндэнцый і праблем на рынку працы, а таксама ўплыў тэхналагічных змен на прафесійную дзейнасць.

Тэмы, якія абмяркоўваліся падчас дыскусіі: аўтаматызацыя і цыфрызацыя; гнуткасць працы; крос-функцыянальныя навыкі, пры наяўнасці якіх спецыялісты, здольныя выконваць некалькі функцый, становяцца больш запатрабаванымі; інавацыйныя прафесіі; пераасэнсаванне офіснай прасторы для стварэння больш камфортных умоў працы; важнасць устойлівага развіцця і экалагічнай адказнасці.

Былі адзначаны некаторыя складанасці на рынку працы, такія як старэнне працоўнай сілы, псіхічнае здароўе працаўнікоў.

Дыскусія "Праца ўчора, праца заўтра" выявіла мноства актуальных пытанняў і праблем на рынку працы. Удзельнікі пагадзіліся, што адаптацыя да ўмоў, якія хутка змяняюцца, з'яўляецца неабходнасцю для працадаўцаў і работнікаў. Адукацыя, гнуткасць працы і ўвага да псіхічнага здароўя супрацоўнікаў павінны стаць прыярытэтамі для стварэння паспяховай будучыні на рынку працы.