Кафедра міжнароднага турызму і гасціннасці факультэта міжнародных адносін Беларускага дзяржаўнага ўніверсітэта сумесна з Нацыянальным агенцтвам па турызме 23 красавіка 2026 г. правяла III Гарадскі турнір «Мая будучая прафесія ў сферы турызму і гасціннасці» для навучэнцаў 9-10 класаў гімназій г. Мінска. Асноўная мэта мерапрыемств – знаёмства старшакласнікаў са спецыяльнасцю "Менеджмент" (прафілізацыя - Менеджмент у сферы міжнароднага турызму і гасціннасці), прыцягненне абітурыентаў, падтрымка таленавітай моладзі.
У турніры прынялі ўдзел навучэнцы ДУА "Гімназія № 4 г. Мінска", "Гімназія № 33 г. Мінска", "Гімназія № 43 г. Мінска", УА "Мінскі дзяржаўны абласны ліцэй".
З прывітальным словам Турнір адкрылі намеснік дэкана факультэта міжнародных адносін па навуковай рабоце Алеся Пятроўна Рубо, а таксама намеснік начальніка аддзела развіцця ўнутранага турызму, якасці паслуг Нацыянальнага агенцтва па турызме Ганна Мікалаеўна Вашчынчук. Журы турніру ўзначалілі загадчык кафедры міжнароднага турызму і гасціннасці Ігар Міхайлавіч Аўласенка, прафесар Леанід Міхайлавіч Гайдукевіч. Актыўны ўдзел у арганізацыі турніру і рабоце журы прынялі прадстаўнікі прафесарска-выкладчыцкага складу кафедры міжнароднага турызму і гасціннасці – дацэнт Дзмітрый Віктаравіч Марозаў, старшы выкладчык Анастасія Мікалаеўна Рашэтнікава, дацэнт Алена Аляксандраўна Бароўская, выкладчык Юлія Віктараўна Петрашэўская.
Турнір уключаў 3 этапы. На першым этапе праходзіла абарона камандных праектаў – прэзентацый на агульную тэму "Распрацоўка праекта тура выхаднога дня па г. Мінску (для катэгорыі турыстаў – сям'я з дзецьмі школьнага ўзросту)". Другі этап – квэст, арганізаваны сіламі студэнтаў 2 курса – удзельнікаў студэнцкай навукова-даследчай лабараторыі кафедры міжнароднага турызму і гасціннасці "Інавацыі ў турызме". Завяршыла праграму турніру камандная віктарына на англійскай мове пад назвай "Турысцка-рэкрэацыйныя рэсурсы асабліва ахоўных прыродных тэрыторый Рэспублікі Беларусь і іх выкарыстанне ў турызме", падчас якой школьнікі паказалі добры ўзровень ведаў асаблівасцей турысцкага патэнцыялу нацыянальных паркаў і заказнікаў Беларусі.
Пераможцам турніру стала каманда ДУА "Гімназія № 4 г. Мінска", усе ўдзельнікі турніру атрымалі сертыфікаты і памятныя падарункі. Кафедра міжнароднага турызму і гасціннасці выказвае падзяку ўсім удзельнікам і арганізатарам мерапрыемства.
{gallery}2026/2026_04_23_02{/gallery}