13 красавіка адбылася чарговая лекцыя з цыкла практычных сустрэч студэнтаў 3 курса спецыяльнасці "Сусветная эканоміка" з прадстаўнікамі беларускай бізнес-супольнасці – кансалтынгавай кампаніяй "Адміністратыўны рэсурс". Кампанія паспяхова працуе ў сферы HR у Рэспубліцы Беларусь з 2012 года, з'яўляецца лідарам у сваёй сферы і спецыялізуецца на пошуку і прыцягненні топ-мэнэджараў і ўнікальных спецыялістаў. Рэалізуе даследаванні рынку працы і заработных плат, праводзіць ацэнку персаналу і карпаратыўнае навучанне па аўтарскіх праграмах.
У ходзе сустрэчы спікер сумесна са студэнтамі абмеркавала шэраг практычных пытанняў, звязаных з:
- трэндамі рынку працы і асаблівасцямі найму супрацоўнікаў у 2026;
- зменамі правіл гульні на рынку працы ў эпоху штучнага інтэлекту;
- ключавымі навыкамі спецыялістаў, якія важна развіваць ужо зараз;
- асаблівасцямі ўваходу на рынак працы для маладых спецыялістаў.
У рамках практыкаарыентаванага занятку студэнты вялі актыўную дыскусію з экспертам, а таксама выконвалі заданні па складанні CV і падрыхтоўцы матывацыйнага ліста.
Кафедра міжнародных эканамічных адносін, дэканат факультэта міжнародных адносін, а таксама студэнты выказваюць вялікую ўдзячнасць кансалтынгавай кампаніі "Адміністратыўны рэсурс" і асабіста заснавальніку Але Ісаевай за пазнавальны выступ, напоўнены практычнымі рэкамендацыямі і раскрыццём сакрэтаў паспяховага прадстаўлення сябе на рынку працы!
 |
 |