Кафедра ўсходазнаўства ФМА БДУ і філіял Моладзевай платформы для краін ШАС SCOLAR Network у г. Мінску правялі прымеркаваную да Сусветнага дня паэзіі Вечарыну ўсходняй паэзіі, якая адбылася на факультэце 7 красавіка 2026 г.

Адкрылася мерапрыемства прэзентацыяй вынікаў дзейнасці мінскай філіі SCOLAR ментарам філіяла, старшым выкладчыкам кафедры ўсходазнаўства К.І. Лешчанка і куратарам філіяла, студэнткай 3 курса спецыяльнасці «Усходазнаўства» Дар'яй Кузьміч.

Падчас мерапрыемства студэнты спецыяльнасцей «Усходазнаўства», «Афрыканістыка», «Міжнародныя адносіны», «Мытная справа» і «Міжнародная лагістыка» выступілі з творчымі нумарамі на ўсходніх мовах (кітайскай, японскай, іўрыце, арабскай, турэцкай) – папулярнымі песнямі і творамі класічнай і сучаснай паэзіі, таксама прагучаў даклад аб традыцыях краін Афрыкі. Асобным сюрпрызам стала выкананне выкладчыкам-стажорам кафедры ўсходазнаўства Л.А. Зіньковай знакамітай кітайскай песні «Кветкі жасміну» (茉莉花) у гітарным суправаджэнні.

Каманда мінскай філіі правяла пазнавальныя віктарыны на веданне беларускай і сусветнай літаратуры, а філіял SCOLAR у г. Ніжні Ноўгарад накіраваў да мерапрыемства паэтычнае відэапрывітанне.

На творчым вечары выступілі больш за 50 чалавек, а ўсяго мерапрыемства наведалі больш за 80 студэнтаў і выкладчыкаў ФМА БДУ. Па выніках галасавання гледачоў лепшым быў прызнаны песенна-танцавальны нумар студэнтаў 1-2 курса спецыяльнасці «Усходазнаўства», якія вывучаюць японскую мову.

{gallery}2026/2026_04_07{/gallery}