На базе 23 гімназіі г. Мінска адбыўся III Рэспубліканскі песенны агляд-конкурс "Музычны кадуцэй" сярод навучэнцаў мытных класаў і студэнтаў спецыяльнасці "мытная справа".

Свята музыкі і песні прымеркавана да 35-годдзя з дня ўтварэння мытнай службы Беларусі і Года беларускай жанчыны. Арганізатары мерапрыемства – Інстытут мытных органаў, кафедра мытнай справы факультэта міжнародных адносін БДУ і Дзяржаўны мытны камітэт Рэспублікі Беларусь. Ад нашага факультэта ў склад журы ўвайшлі намеснік дэкана Чувілаў І. і загадчык кафедры мытнай справы і міжнароднай лагістыкі Астрога В.

У конкурсе прынялі ўдзел дзеці з дзевяці школ і гімназій, а таксама шасці ўніверсітэтаў. Найлепшых з лепшых журы вызначыла: сярод школьнікаў:

• 1 месца – калектыў 21-й магілёўскай школы;
• 2 месца – квартэт з Бараўлянскай гімназіі і калектыў 1-й брэсцкай школы;
• 3 месца – К. Красніцкая з 10-й мінскай гімназіі;

сярод студэнтаў:

• 1 месца – А. Груздава з БНТУ;
• 2 месца – К. Рудніцкая з БДУ;
• 3 месца – М. Чырыч з БелДУТа.

Гран-пры конкурсу павезлі ў Гродна С. Каспяровіч і Д. Юрчанка з 13-й гродзенскай школы.

{gallery}2026/2026_04_08{/gallery}