26 сакавіка на факультэце міжнародных адносін адбылася Рэспубліканская навукова-практычная канферэнцыя "Развіццё міжнароднага турызму і гасціннасці ў Рэспубліцы Беларусь ва ўмовах глабальных і рэгіянальных трансфармацый". Арганізатарам выступіла кафедра міжнароднага турызму і гасціннасці. Мадэратарам выступіў дацэнт кафедры Дзмітрый Віктаравіч Марозаў, дырэктар Нацыянальнага агенцтва па турызме ў 2022-2025 гг. Канферэнцыя сабрала звыш 40 удзельнікаў – навукоўцаў, экспертаў-практыкаў, прадстаўнікоў дзяржаўных органаў і грамадскіх арганізацый, звязаных са сферай турызму, музейнай справы. Удзельнікі абмеркавалі шырокі спектр пытанняў, якія датычацца міжнароднага турызму, у тым ліку новыя магчымасці прыцягненнем замежных турыстаў у Рэспубліку Беларусь.
З прывітальным словам выступілі загадчык кафедры міжнароднага турызму і гасціннасці Ігар Міхайлавіч Аўласенка, а таксама намеснік дэкана факультэта міжнародных адносін па навуковай рабоце Алеся Пятроўна Рубо. У прывітальным слове было адзначана, што тэма мерапрыемства характарызуецца вялікай актуальнасцю, паколькі развіццё турызму было ўключана ў пералік сямі прыярытэтаў сацыяльна-эканамічнага развіцця Рэспублікі Беларусь на 2026–2030 гг.
Першы загадчык і заснавальнік кафедры міжнароднага турызму і гасціннасці прафесар Леанід Міхайлавіч Гайдукевіч закрануў важнейшую тэму актывізацыі турыстычных сувязей паміж Рэспублікай Беларусь і Кітайскай Народнай Рэспублікай. Загадчыца аддзела культурна-адукацыйнай работы Мемарыяльнага комплексу "Хатынь" Кацярына Мікалаеўна Зіброва расказала аб цікавасці замежных гасцей да мемарыяльных аб'ектаў, аб дынаміцы наведвання комплексу замежнымі дэлегацыямі. З аналагічным дакладам выступіла загадчыца культурна-адукацыйнага аддзела Музея гісторыі Вялікай Айчыннай вайны Кацярына Аляксандраўна Катлоўская. Намеснік начальніка аддзела развіцця ўнутранага турызму, якасці паслуг Нацыянальнага агенцтва па турызме Ганна Мікалаеўна Вашчынчук сумесна з членам дзяржаўнай атэстацыйнай камісіі экскурсаводаў і гідаў-перакладчыкаў Марынай Веніямінаўнай Масташовай расказалі аб сучасных патрабаваннях да падрыхтоўкі экскурсаводаў і гідаў-перакладчыкаў, што асабліва актуальна. Былі заслуханы і іншыя актуальныя выступленні. У прыватнасці, была ўзнята важная праблема выкарыстання інфармацыйных тэхналогій і інавацыйных метадаў у рабоце з замежнымі турыстамі пры адпрацоўцы заявак ад кліентаў.
У рамках канферэнцыі таксама адбылася секцыя для студэнтаў і магістрантаў пад назвай "Погляд маладых вучоных на міжнародны турызм: тэндэнцыі, праекты, метады камунікацыі". У яе рамках студэнты ФМА і госці з іншых універсітэтаў прадставілі сваё бачанне найбольш перспектыўных сфер, якія б маглі стаць прывабнымі для замежных турыстаў. Па выніках канферэнцыі будзе апублікаваны электронны зборнік артыкулаў, які будзе размешчаны ў электроннай бібліятэцы БДУ.
Кафедра міжнароднага турызму і гасціннасці дзякуе ўсім дакладчыкам і ўдзельнікам дыскусіі за выступленні і праяўленую цікавасць да мерапрыемства і будзе рада бачыць на наступнай канферэнцыі, правядзенне якой плануецца ў сакавіку будучага года.
{gallery}2026/2026_03_26{/gallery}