Студэнтка 3 курса спецыяльнасці "Усходазнаўства" ФМА БДУ Дар'я Кузьміч узнагароджана дыпломам у намінацыі "За паспяховы дэбют у мастацкім перакладзе" на II міжнародным конкурсе мастацкага перакладу з кітайскай мовы, прысвечаным Чуньцзе (国际青年春节主题文学汉译俄大赛) і арганізаваным Інстытутам Канфуцыя Новасібірскага дзяржаўнага ўніверсітэта і Бійскім філіялам ім. В.М. Шукшына Алтайскага дзяржаўнага педагагічнага ўніверсітэта.
Усяго на конкурс было пададзена больш за 230 работ школьнікаў, студэнтаў і пазаўніверсітэцкай моладзі ва ўзросце ад 14 да 33 гадоў з Расіі, Беларусі і Кітая.
Віншуем з паспяховым выступленнем і жадаем новых дасягненняў!
