17 сакавіка 2026 г. Міністр замежных спраў Рэспублікі Беларусь Максім Рыжанкоў наведаў факультэт міжнародных адносін Беларускага дзяржаўнага ўніверсітэта (ФМА БДУ). Падчас візіту ён афіцыйна адкрыў рэалізацыю сумеснага праекта Міністэрства і факультэта — "Лекторый "Дыпламат"". Гэтая падзея стала важным крокам у падрыхтоўцы будучых міжнароднікаў!

У прывітальным слове Максім Уладзіміравіч падкрэсліў практычную каштоўнасць праекта для навучання міжнароднікаў і адзначыў шматгадовае супрацоўніцтва МЗС і ФМА, вылучыўшы ролю студэнцкага валанцёрства на міжнародных мерапрыемствах і выдатную прафесійную падрыхтоўку супрацоўнікаў МЗС — выпускнікоў факультэта. Кіраўнік Міністэрства адказаў на пытанні студэнтаў і пакінуў запіс у Кнізе ганаровых гасцей.

У рамках лекторыя першае мерапрыемства правёў начальнік упраўлення інфармацыі і лічбавай дыпламатыі — прэс-сакратар МЗС Руслан Мікалаевіч Варанкоў. У рамках свайго інтэрактыўнага занятку ён пазнаёміў студэнтаў з інфармацыйнай працай Міністэрства, абмеркаваў практычныя сітуацыі, як дзейнічаць у тым ці іншым выпадку МЗС, і адказаў на пытанні.

Лекторый “Дыпламат” – гэта серыя рэгулярных сустрэч студэнтаў факультэта з беларускімі дыпламатамі. Галоўная мэта — узмацніць практычную падрыхтоўку будучых спецыялістаў-міжнароднікаў і пагрузіць іх у актуальны парадак знешняй палітыкі краіны.

{gallery}2026/2026_03_17{/gallery}