11 сакавіка 2026г. студэнты 3 курса спецыяльнасці «Сусветная эканоміка» сумесна са старшым выкладчыкам кафедры англійскай мовы міжнароднай прафесійнай дзейнасці Талейка К.А. наведалі «Храм-помнік у гонар Усіх Святых і ў памяць аб ахвярах, выратаванню Айчыны нашай паслужыўшых».

Экскурсавод расказаў пра гісторыю будаўніцтва, асаблівасці архітэктуры і пра мазаічнае афармленне фасадаў Храма-Помніка. У ніжняй частцы Храма-помніка знаходзіцца музейная і экспазіцыйная частка. Крыпта – гэта асаблівае месца, дзе ў форме экспрэс-экскурсу можна пагрузіцца ў гісторыю беларускага народа, прадставіць тыя складаныя перыяды, калі трэба было праявіць свае характэрныя рысы і патрыятычнае стаўленне да Радзімы. Драўляныя масіўныя дзверы з яскравай назвай «Слёзы Беларусі» ўжо з першай секунды даюць нам магчымасць зразумець сэнс усяго ўбачанага за імі. Нішы з саркафагамі астанкаў удзельнікаў трох войнаў і мемарыяльныя дошкі з імёнамі загінуўшых суайчыннікаў у трагедыях мірнага часу ўвасабляюць памяць беларускага народа аб гэтых падзеях. У сценах цэнтральнай часткі Крыпты ўбудаваны памятныя нішы з капсуламі для захоўвання зямлі месцаў бітваў, гібелі і пахаванняў мірных беларусаў з усяго свету. Тут жа можна паставіць свечку ў памяць загінулых ваяроў і за сваіх памерлых.

Пастаянная экспазіцыя "Музея Памяці" складаецца з чатырох залаў, дзе ў лічбах і выявах паказаны гістарычныя факты ўдзелу і страт нашага народа ў войнах на тэрыторыі Беларусі і за яе межамі з XI стагоддзя. Храм у гонар Усіх Святых – сапраўдны твор царкоўнага дойлідства з унікальным унутраным убраннем, роспісам і мазаікай у далікатна-ружовых танах. На сценах жывапісныя выявы Святых нашай беларускай зямлі з усіх абласцей.

Пасля наведвання Храма-помніка студэнты падзяліліся сваімі ўражаннямі: «Наведванне пакінула шмат уражанняў. Звонку храм здаецца велічным і парадным, але тое, што чакае ўнізе, — гэта зусім іншы свет. Само месца прасякнута памяццю. Вельмі кранула канцэпцыя: свечкі за кожнага з нас, запаленыя ад часціц Гроба Гасподня, і зямля, прывезеная з месцаў бітваў, дзе беларусы абаранялі сваю радзіму. Важна, што гэтае месца не пра смерць, а пра вечную памяць і адзінства народа».

Ташліева Менглі, студэнтка 3 курса спецыяльнасці «Сусветная эканоміка»
Талейка К.А., ст. выкладчык кафедры англійскай мовы міжнароднай прафесійнай дзейнасці