Падведзены вынікі глабальнага студэнцкага конкурсу — UCMs UNCOVERED! З дапамогай творчасці і аналітычных даследаванняў, студэнты з усяго свету даследавалі і візуалізавалі гуманітарныя наступствы аднабаковых прымусовых мер (санкцый).

Конкурс праводзіўся пад эгідай Мандата Спецыяльнага дакладчыка ААН па негатыўным уздзеянні аднабаковых прымусовых мер на правы чалавека, якім з 2020 года з'яўляецца Алена Фёдараўна Доўгань, доктар юрыдычных навук, прафесар кафедры міжнароднага права факультэта міжнародных адносін БДУ.

Конкурс студэнцкіх работ праходзіў з кастрычніка 2025 года па люты 2026 года. Удзельнікі прадставілі відэа па розных тэмах: пра ўплыў аднабаковых прымусовых захадаў на права на здароўе, адукацыю, ежу, на развіццё дзяцей і моладзі, а таксама пра ўплыў санкцыяў на асобныя краіны. У конкурсе прынялі ўдзел каманды з Беларусі, Расіі, Ірана, Венесуэлы, Партугаліі, Кітая.

Каманда факультэта міжнародных адносін БДУ ў складзе Ксеніі Шмаковай, аспіранта кафедры міжнароднага права, і Вольгі Тайнік, студэнткі 3 курса міжнароднага права, заняла другое месца! Ксенія і Вольга падрыхтавалі відэа аб уздзеянні аднабаковых прымусовых захадаў на права чалавека на здароўе. Пры стварэнні відэа выкарыстоўвалася анімацыя ў тэхніцы ротаскапіявання, а таксама відэарэпартажы каналаў навін. Увесь працэс стварэння відэа – напісанне сцэнарыя, раскадроўка, запіс відэаматэрыялу для ротаскапіявання, пошук навінных зводак і мантаж – заняў некалькі месяцаў. Відэа даступна па спасылцы.

Віншуем і жадаем далейшых перамог!