Выкладчыкі кафедры англійскай мовы міжнароднай прафесійнай дзейнасці, студэнты спецыяльнасці "Сусветная эканоміка" факультэта міжнародных адносін БДУ прынялі ўдзел у міжнародным навуковым мерапрыемстве Guest Lecture "Art of Effective Negotiation: Tools for Better Decisions and Better Deals". Спікерам выступіў вядомы спецыяліст у галіне майстэрства кіравання Доктар Ніцін Гарг, заснавальнік, дырэктар Міжнароднай школы менеджменту, Бангалор, Індыя (International School of Management Excellence-ISME, Bangalore).

Лекцыя запрошанага прафесара прайшла ў адпаведнасці з праграмай міжнароднага супрацоўніцтва паміж БДУ і ISME у дыстанцыйным фармаце. Тэма лекцыі ўваходзіць у навучальныя праграмы падрыхтоўкі спецыялістаў-міжнароднікаў факультэта, вельмі цікавая і пазнавальная для студэнтаў і прафесарска-выкладчыцкага складу кафедры, таму што адказвае сучасным выклікам вядзення бізнесу і выбудоўвання сучасных дзелавых зносін. 

Падчас абмеркавання загадчык кафедры англійскай мовы міжнароднай прафесійнай дзейнасці дац. С.А. Дубінка акцэнтавала ўвагу на самых тыповых памылках, якія назіраюцца ў студэнтаў і пачынаючых менеджараў адносна арганізацыі эфектыўных дзелавых перамоваў. Доктар Ніцін Гарг, як сапраўдны прафесіянал, здолеў прадставіць самую актуальную інфармацыю па тэме, выклікаць дыскусію, абмен думкамі, што, несумненна, будзе садзейнічаць далейшай дасканалай распрацоўцы тэмы менеджменту ў нашых навучальных праектах на англійскай мове. Прыемна адзначыць цікавасць аўдыторыі да абмеркавання, жаданне перанесці самыя цікавыя і праблемныя пытанні з акадэмічнай прасторы ў практыку выкладання, а таксама ў вопыт паспяховага вядзення перамоваў у дзелавых зносінах. Кафедра дзякуе дэканату факультэта міжнародных адносін за цудоўную магчымасць прыняць удзел у лекцыі і наступнай дыскусіі.

С. А. Дубінка, загадчык кафедры англійскай мовы міжнароднай прафесійнай дзейнасці
І. А. Чувілаў, намеснік дэкана па вучэбнай рабоце і інтэрнацыяналізацыі адукацыі (на грамадскіх пачатках)

{gallery}2026/2026_02_25{/gallery}