27 сакавіка 2026 года факультэт міжнародных адносін Беларускага дзяржаўнага ўніверсітэта з удзелам кафедры англійскай мовы міжнароднай прафесійнай дзейнасці праводзіць анлайн-віктарыну на Адукацыйным партале БДУ «ДЫЯЛОГ КУЛЬТУР: МОВА І ТРАДЫЦЫІ РОЗНЫХ НАРОДАЎ» (на англійскай мове).

Удзельнікамі з'яўляюцца навучэнцы старэйшых класаў сярэдніх школ і гімназій Рэспублікі Беларусь.

Мэта анлайн-віктарыны – развіццё лінгвістычнай, адукацыйнай і сацыякультурнай кампетэнцый вучняў сярэдніх школ і гімназій усіх напрамкаў падрыхтоўкі, прыцягненне абітурыентаў да авалодання больш глыбокімі і трывалымі ведамі па лінгвакраіназнаўстве, павышэнне матывацыі вучняў да вывучэння замежных моў, гісторыі і культуры розных краін свету.

Журы ў складзе выкладчыкаў кафедры англійскай мовы міжнароднай прафесійнай дзейнасці вызначыць 5 пераможцаў віктарыны.

Удзельнікі, якія набралі найбольшую колькасць балаў, атрымаюць электронныя Дыпломы пераможцаў першай, другой і трэцяй ступені. 

У адпаведнасці з дамоўленасцямі аб супрацоўніцтве са школамі і гімназіямі ў рамках праграмы ФМА БДУ па прафарыентацыі да ўдзелу ў анлайн-віктарыне запрашаюцца навучэнцы старэйшых класаў сярэдніх школ і гімназій Рэспублікі Беларусь.

Рэгістрацыя на курс (віктарыну) будзе адкрыта з 23 сакавіка 2026 года (9.00) да 26 сакавіка 2026 года (19.00). Спасылка ТУТ.

Віктарына (45 пытанняў) адбудзецца 27 сакавіка (пятніца) 2026 года.  Доступ з 11:00 да 11:45 (45 хвілін). Час выканання – 30 хвілін.

Вынікі будуць размешчаны на сайце ФМА і на Адукацыйным партале БДУ 30 сакавіка (панядзелак) 2026 года.

30 сакавіка 2026 года (панядзелак) у 19.00 усе ўдзельнікі будуць выдалены з Адукацыйнага партала БДУ.

Запрашаем усіх жадаючых і жадаем удзельнікам поспехаў і ўдачы!!!